Project K:- ప్రభాస్ నటిస్తున్న ప్రాజెక్ట్-కె సినిమా… ఇండస్ట్రీ ఇప్పటి వరకు చూడనిది. ఇలాంటి సబ్జెక్ట్‌ను ఇండియన్ సినిమా టచ్ చేయలేదు. ఆ మాటకొస్తే… వరల్డ్ సినిమాలోనే ఫస్ట్ ఎవర్ మూవీ. ఇంత బిల్డప్ ఇచ్చింది సినిమా యూనిట్. ప్రభాస్ ఫ్యాన్సే కాదు.. మిగతా వాళ్లు కూడా ఈ హైప్‌ను నమ్మారు. కారణం.. డైరెక్టర్ నాగ్ అశ్విన్. ఈ కుర్ర దర్శకుడి ప్రతిభను ఇది వరకే చూశారు ప్రేక్షకులు. మహానటి సినిమా టేకింగ్‌తోనే ఆ విషయం అర్థమైంది కూడా. పైగా ఈ సినిమాకు మెంటార్‌గా సింగీతం శ్రీనివాస్ కూడా ఉండడంతో… బజ్ ఒక రేంజ్‌లో పెరిగింది. సూపర్ స్టార్ అమితాబ్ బచ్చన్, దీపికా పదుకునే కూడా నటిస్తుండడంతో.. నేషనల్ వైడ్‌గా క్రేజ్ మరింత పెరిగింది.
తాజాగా ఈ సినిమా గురించి వినిపిస్తున్న ఓ వార్త ఏంటంటే.. ఇదొక హాలీవుడ్ మూవీ ఇన్‌స్పిరేషన్ అని. ఎలీసియమ్ పేరుతో పదేళ్ల క్రితం రిలీజ్ అయిన ఈ హాలీవుడ్ మూవీ కాన్సెప్ట్‌తో ప్రభాస్ ప్రాజెక్ట్-కె సినిమా వస్తోందని చెప్పుకుంటున్నారు.
ఇంతకీ ఏంటీ ఎలీసియమ్ మూవీ..?
ఈ భూమి పూర్తిగా పొల్యూట్ అయిపోవడంతో మనిషి అంతరిక్షంలో జీవిస్తుంటాడు. ఇందుకోసం భూమి వాతావరణానికి దూరంగా ఓ క్లోజ్డ్ చాంబర్ కట్టుకుంటారు. ఇందులో ఉండేదంతా రిచ్ పర్సన్సే. ఈ ప్రత్యేకమైన చాంబర్లో బతికే వాళ్లకు జబ్బులు అనేవే రావు. ఒకవేళ వచ్చినా సెకన్లలో తగ్గించే టెక్నాలజీ ఉంటుంది. అయితే, ఈ చాంబర్లలో పనిచేయడానికి భూమి నుంచి కొందరిని ఎత్తుకొస్తూ ఉంటారు. ఈ క్రమంలో భూమి మీద ఉండే వాళ్లకు, అంతరిక్షంలో ఓ స్పెషల్ ఛాంబర్‌లో ఉండే వారికి మధ్య గొడవలు జరుగుతుంటాయి. ఒక విధంగా ఆదిత్య 369 సినిమాను తలపించేలా భవిష్యత్తులో జరగబోయే సినిమాగా ఈ ప్రాజెక్ట్-కె ఉండబోతోందని తెలుస్తోంది. అందుకే, సింగీతం శ్రీనివాస్‌ను కూడా ప్రాజెక్టులో భాగంగా కలుపుకున్నారని చెప్పుకుంటున్నారు.
Share
Naresh-Pavitra:- 26న నరేష్-పవిత్ర లోకేష్ పెళ్లి
Victory Venkatesh : పాన్ ఇండియా వైపు వెంకీ.. ఎవరూ ట్రై చేయని రూట్
