Rambha Car Accident : ప్రముఖ నటి రంభ కారు రోడ్డు ప్రమాదానికి గురైంది. ఈ ఘటనలో నటి స్వల్ప గాయాలతో బయటపడగా.. ఆమె కుమార్తె మాత్రం ఆసుపత్రిలో చికిత్స పొందుతోంది. ఈ విషయాన్ని రంభ సోషల్‌మీడియా వేదికగా తెలియజేస్తూ.. ప్రమాదానికి సంబంధించిన ఫొటోలను షేర్‌ చేశారు. ప్రస్తుతం రంభ కుటుంబం కెనడాలో ఉంటోంది.
సోమవారం సాయంత్రం రంభ.. తన పిల్లలను స్కూల్‌ నుంచి తీసుకొని వస్తుండగా వీరి కారును మరో వాహనం ఢీకొట్టింది. ఈ ఘటనలో తామంతా స్వల్ప గాయాలతో బయటపడినట్లు నటి తెలిపింది. అయితే తన చిన్న కుమార్తె సాషా మాత్రం గాయాల కారణంగా ఆసుపత్రిలో చికిత్స పొందుతోందని రంభ తెలిపింది. ప్రమాద సమయంలో కారులో రంభ, ఆమె పిల్లలు, ఒక ఆయా కూడా ఉన్నారు. కారులో ఎయిర్‌బ్యాగ్స్‌ తెరుచుకోవడంతో పెను ప్రమాదం తప్పినట్లు తెలుస్తోంది.
ప్రమాదం గురించి నటి పోస్ట్ చేసిన ఫొటోలు చూడగానే అభిమానులు ఆందోళనకు గురయ్యారు. చిన్నారి త్వరగా కోలుకోవాలని ప్రార్థిస్తున్నారు. పలు తెలుగు, తమిళ, మలయాళ, కన్నడ, హిందీ చిత్రాల్లో నటించిన రంభ కొంతకాలంగా సినిమాలకు దూరంగా ఉంటున్నారు. 2010లో కెనడాలో స్థిరపడిన ఇంద్రకుమార్‌ను వివాహం చేసుకున్నారు. వీరికి ఇద్దరు కుమార్తెలు, ఒక కుమారుడు. ప్రస్తుతం వీరి కుటుంబం ఒంటారియోలో నివాసముంటోంది.
Share
England Beat Newzealand : కివీస్ కు షాకిచ్చిన ఇంగ్లాండ్..
