Shoaib Akhtar On Aryavir Sehwag: అండర్ 19 పురుషుల ఆసియా కప్ 2026 టోర్నమెంట్ ప్రారంభమై ఉత్కంఠ భరితంగా ముందుకు సాగుతోంది. ఈ టోర్నమెంట్ లో తొలి మ్యాచ్ లోనే అదరగొట్టిన టీమిండియా, నేపాల్ పై విక్టరీ అందుకుంది. అయితే, ఈ మ్యాచ్ లో వీరేంద్ర సెహ్వాగ్ కొడుకు ఆర్యవీర్ సెహ్వాగ్ ఊచకోత కోశాడు. 52 బంతుల్లోనే 70 పరుగులు చేసి, తండ్రికి తగ్గ తనయుడిగా ఆర్యవీర్ సెహ్వాగ్ నిలిచాడు. ఈ తరుణంలోనే వీరూ కొడుకు ఆర్యవీర్ సెహ్వాగ్ పై పాకిస్తాన్ మాజీ ఫాస్ట్ బౌలర్ షోయబ్ అక్తర్ సంచలన వ్యాఖ్యలు చేశాడు.
19 ఏళ్ల ఆర్యవీర్ సెహ్వాగ్ ఎంత బ్యాటింగ్ చేసినా టీమిండియాలో అవకాశం రాదన్నాడు. 15 ఏళ్ల వైభవ్ సూర్యవంశీ ఐపీఎల్ లో విధ్వంసం సృష్టించినా, టీమిండియా తుది జట్టులో అవకాశాలు దక్కించుకోలేకపోతున్నాడని హేళన చేశాడు. భవిష్యత్తులో ఆర్యవీర్ సెహ్వాగ్ పరిస్థితి అలాగే ఉంటుందన్నాడు. ఈ తరుణంలోనే పాకిస్తాన్ కు ఆర్యవీర్ సెహ్వాగ్ ను పంపించాలని వీరూ భాయ్ ని కోరాడు షోయబ్ అక్తర్. పాకిస్తాన్ కు వస్తే, అతన్ని రాజులా చూసుకుంటామని, తానే స్పెషల్ ట్రైనింగ్ ఇస్తానని వెల్లడించాడు. పాకిస్తాన్ కెప్టెన్సీ కూడా ఇప్పిస్తానని ఓవరాక్షన్ చేశాడు. తన ఆఫర్ ను వీరూ భాయ్ వెంటనే ఒప్పుకోవాలని, లేకపోతే ఆర్యవీర్ సెహ్వాగ్ భవిష్యత్తు అంధకారంలోకి వెళ్లడం గ్యారెంటీ అని హెచ్చరించాడు. దీంతో ఆర్యవీర్ సెహ్వాగ్ పై షోయబ్ అక్తర్ చేసిన వ్యాఖ్యలు దుమారం రేపుతున్నాయి.
భారత దేశంలో టాలెంట్ ఉన్న క్రికెటర్లు చాలా మంది ఉన్నారని పాకిస్తాన్ మాజీ ఫాస్ట్ బౌలర్ షోయబ్ అక్తర్ పేర్కొన్నాడు. గల్లీకో వైభవ్ సూర్యవంశీ ఉంటాడని, కానీ అందరూ జాతీయ జట్టులోకి రావడంలో విఫలమవుతున్నారని తెలిపాడు. ఒకవేళ టీమిండియా జట్టుకు సెలక్ట్ అయినా, తుది జట్టులో అవకాశాలు రాక సతమమౌవుతున్నారని విమర్శలు చేశాడు. సరిగ్గా ప్లేయర్లను బీసీసీఐ వాడుకోవడం లేదంటూ చురకలు అంటించాడు. ఇలాంటి టాలెంట్ ఉన్న కుర్రాళ్లు పాకిస్తాన్ దేశంలో ఏ మూలన లేరంటూ సంచలన వ్యాఖ్యలు చేశాడు. భారత కుర్రాళ్లు పాకిస్తాన్ కు వస్తే, తానే ట్రైనింగ్ ఇస్తాననంటూ కీలక వ్యాఖ్యలు చేశాడు.
అండర్ 19 ఆసియా కప్ 2026 టోర్నమెంట్ నేపథ్యంలో వీరూ భాయ్ కొడుకు ఆర్యవీర్ అదరగొట్టాడు. 70 పరుగులు చేసిన ఆర్యవీర్, టీమిండియాను గెలిపించాడు. ఇక పాకిస్తాన్ తో ఈ నెల 8న టీమిండియా తలపడనుంది.
Share
మహ్మద్ షమీ రిటైర్మెంట్..సరిగ్గా 13 ఏళ్ల కిందట ఆరంభం, ఇప్పుడు ముగింపు
