Razakar Movie : రజాకార్ సినిమా పోస్టర్ పై వివాదం.. ముస్లిం సంఘాలు తీవ్ర అభ్యంతరం..

Razakar Movie : రజాకార్ సినిమా పోస్టర్‌పై వివాదం రాజుకుంది. సినిమా పోస్టర్‌పై ముస్లిం సంఘాల నుంచి తీవ్ర అభ్యంతరాలు వ్యక్తమవుతున్నాయి. ఇటీవల రజాకార్ సినిమా పోస్టర్‌ను హైదరాబాద్‌లో మాజీ గవర్నర్ విద్యాసాగర్ రావు, ఎంపీ బండి సంజయ్ ఆవిష్కరించారు. పోస్టర్‌లో తుపాకీ కత్తిపై ఓ బ్రాహ్మణుడు మృతదేహం వేలాడుతున్నట్టు చూపించడంపై అభ్యంతరాలు వ్యక్తమవుతున్నాయి.

రజాకార్లు కేవలం బ్రాహ్మణులను టార్గెట్ చేశారన్నట్టుగా చిత్రీకరించడం సరికాదంటున్నారు… ముస్లిం సంఘాల నేతలు. దీనిపై సెన్సార్ బోర్డుకి ఫిర్యాదు చేస్తామని స్పష్టం చేశారు. చరిత్రను వక్రీకరించి బీజేపీ నేతలు లబ్ధి పొందే ప్రయత్నాలు చేస్తున్నారని ఎంబీటీ నేతలు మండిపడ్డారు.

రజాకార్ల పాలనలోని దుర్మార్గాలను సినిమా ద్వారా ప్రజలకు తెలియజేస్తామన్నారు బీజేపీ నేతలు. ఈ సినిమాకు గూడురు వెంకటనారాయణరెడ్డి నిర్మాతగా వ్యవహరిస్తున్నారు. అందరికీ వాస్తవాలు ముందుంచాలనే లక్ష్యంతో రజాకార్ సినిమా తీసారని బండి సంజయ్ స్పష్టం చేశారు. నిజాం-రజాకార్ల పాలనను స్వర్ణకాలంగా పేర్కొంటున్నారని మండిపడ్డారు.

Join WhatsApp Channel

Share

• 
• 
• 
• 
• 
•