Saindhav Movie: టాలీవుడ్ సీనియర్ హీరో వెంకటేశ్ నటిస్తున్న తాజా చిత్రం ‘సైంధవ్’. యాక్షన్ థ్రిల్లర్ జోనర్లో తెరకెక్కుతున్న ఈ చిత్రానికి శైలేష్ కొలను దర్శకత్వం వహిస్తున్నారు. తాజాగా ఈ మూవీ నుంచి మేకర్స్ ఓ సర్ప్రైజ్ అందించారు. ఆ సర్ప్రైజ్ వెంకీ మామ అభిమానుల్లో ఫుల్ జోష్ నింపింది. మరి అదెంటో తెలుసుకుందామా..
వెంకటేశ్ తన కెరియర్లో 75వ సినిమాగా ‘సైంధవ్’లో నటిస్తున్నాడు. ఈ చిత్రానికి ‘హిట్’ ఫేమ్ శైలేష్ కొలను దర్శకత్వం వహిస్తుండగా.. వెంకట్ బోయనపల్లి నిర్మాతగా వ్యవహరిస్తున్నారు. సంక్రాంతి కానుకగా జనవరి 13న తెలుగు, తమిళం, మలయాళం, కన్నడ, హిందీ భాషల్లో ప్రపంచవ్యాప్తంగా గ్రాండ్గా ఈ చిత్రం విడుదల కానుంది. రిలీజ్కి ఇంకా 12 రోజులే ఉండడంతో చిత్ర బృందం ప్రమోషన్స్ను వేగవంతం చేసింది.
ఇందులో బాగంగా ఇప్పటికే ఈ సినిమా నుంచి రిలీజైన టీజర్, సాంగ్లకు ఆడియోన్స్ నుంచి మంచి రెస్పాన్స్ వచ్చింది. ఈ తరుణంలోనే మేకర్స్ మరో అప్డేట్ను అందించి.. అభిమానుల్లో ఫుల్ జోష్ నింపారు. న్యూ ఇయర్ కానుకగా ఈ మూవీ ట్రైలర్ రిలీజ్ డేట్ను వెల్లడించారు. ఈ మేరకు జనవరి 3న ఈ ట్రైలర్ను రిలీజ్ చేయనున్నట్లు ఓ పోస్టర్ ద్వారా తెలిపారు. దీంతో ఈ ట్రైలర్ కోసం ఫ్యాన్స్ తెగ ఎదురుచూస్తున్నారు.
Share
Side effects Of Lemon: నిమ్మరసం.. అతిగా తాగితే ఏమవుతుందో తెలుసా..?
Tirumala Hundi Income: తిరుమల హుండీ ఆదాయం.. గతేడాది ఎన్నివేల కోట్లో తెలుసా ?
