SALAAR: ప్రభాస్ హీరోగా ప్రశాంత్ నీల్ దర్శకత్వంలో తెరకెక్కిన ‘సలార్’ ఎంతటి ఘన విజయం సాధించిందో ప్రత్యేకంగా చెప్పనవసరం లేదు. భారీ అంచనాలతో రూపొందిన ఈ చిత్రం బాక్సాఫీసు వద్ద కలెక్షన్ల వర్షం కురిపించింది. ఇప్పటి వరకు రూ.600 కోట్లకు పైగా వసూళ్లు సాధించి.. అందరినీ అబ్బురపరచింది. శ్రుతి హాసన్ హీరోయిన్‌గా నటించిన ఈ చిత్రంలో పృథ్వీరాజ్ సుకుమారన్, టిన్ను ఆనంద్, జగపతి బాబు, ఈశ్వరీ రావు, బాబీ సింహా కీలక పాత్రలు పోషించి మెప్పించారు. రవి బస్రూర్ ఈ చిత్రానికి సంగీతం అందించారు. ఇక ప్రపంచ వ్యాప్తంగా అద్భుతమైన రెస్పాన్స్ అందుకున్న ఈ చిత్రం ఇప్పుడు మరో దగ్గర రిలీజ్ కావడానికి సిద్ధమైంది.
‘సలార్’ చిత్రాన్ని జపాన్‌లో విడుదల చేయనున్నట్లు మేకర్స్ అధికారికంగా ప్రకటించారు. అయితే ఈ ఏడాది సమ్మర్ రేస్‌లో జపాన్ భాషలో డబ్ చేసి రిలీజ్ చేస్తున్నట్టుగా తెలుస్తోంది. దీంతో అక్కడ మూవీ యూనిట్ మంచి ప్రమోషన్స్ చేస్తే అదిరే కలెక్షన్స్ సాధించవచ్చని నిపుణులు అభిప్రాయపడుతున్నారు. అంతేకాకుండా జపాన్ ప్రేక్షకులకు ప్రభాస్ బాగానే తెలిసి ఉండటంతో సలార్ మూవీకి మంచి వసూళ్లు వచ్చే అవకాశం ఉందని అంటున్నారు.
Share
KTR : లోక్ సభ ఎన్నికల బరిలో కేటీఆర్.. ఆ స్థానం నుంచి పోటీ..
Great Wall of China : వేల సంవత్సరాలైనా చెక్కు చెదరని గ్రేట్‌ వాల్.. చైనా చక్రవర్తులు ఎలా నిర్మించారో తెలుసా?
