Samantha : ఫ్యాన్స్ కు బిగ్‌ షాక్‌.. సినిమాలకు సమంత లాంగ్ బ్రేక్..

Samantha latest news(Tollywood Celebrity News): టాలీవుడ్ టాప్ హీరోయిన్ సమంత సినిమాలకు లాంగ్ బ్రేక్ ఇవ్వబోతోందా? అంటే అవుననే సమాధానం వస్తోంది. ఆ మధ్య సామ్ మయోసైటిస్ వ్యాధి బారిన పడింది. ఎంతో ఆత్మస్థైరంతో వ్యాధితో పోరాడింది. తిరిగి కోలుకున్న తర్వాత సమంత సినిమాలపై మళ్లీ ఫోకస్ పెట్టింది. అయితే సామ్ కు కాలం కలిసిరాలేదు. ఆమె నటించిన శాకుంతలం విజయం సాధించలేదు.

శాకుంతలం మూవీ తర్వాత సామ్ ఆచితూచి అడుగులు వేస్తోంది. ప్రస్తుతం శివ నిర్వాణ డైరెక్షన్ లో ఖుషి సినిమాలో నటిస్తోంది. ఈ మూవీ చివరి షెడ్యూల్ షూటింగ్ నడుస్తోంది. ఈ వారంలోనే షూటింగ్ పూర్తవుతుందని హీరో విజయ్ దేవరకొండ తాజా ప్రకటించాడు. ఈ సినిమా సెప్టెంబర్‌ 1న విడుదలకానుంది. సమంత సిటాడెల్ వెబ్ సిరీస్ లోనూ నటిస్తోంది.

సమంత కొంతకాలం సినిమాలకు విరామం తీసుకోవాలని భావిస్తోందని సమాచారం. కొత్త ప్రాజెక్టులకు సైన్ చేయడం లేదని తెలుస్తోంది. ప్రస్తుతం చేతిలో ఉన్న సినిమాలు పూర్తైన తర్వాత బ్రేక్ తీసుకోవాలనుకుంటోదని టాలీవుడ్ టాక్. ఆరోగ్యంపై మరింత శ్రద్ధ పెట్టాలని సామ్ ఆలోచిస్తోందట. అందుకే కొంతకాలం విరామం తీసుకోవాలనుకుంటుందని అంటున్నారు. గతంలో అంగీకరించిన ప్రాజెక్టులకు సంబంధించిన అడ్వాన్సులను తిరిగి నిర్మాతలకు ఇచ్చేసిందని తెలుస్తోంది.

ఇక వచ్చే ఏడాది తర్వాతే ఆమె తిరిగి సినిమాలపై మళ్లీ ఫోకస్ పెట్టే అవకాశం ఉంది. ఈ లోపు ఖుషి మూవీ ప్రమోషన్స్‌లో మాత్రమే కనిపిస్తుంది. సామ్ బ్రేక్ తీసుకోవడంతో ఫ్యాన్స్ ఫీలవుతున్నారు. మరోవైపు సమంత ప్రేమలో ఉందనే వార్తలు సోషల్ మీడియాలో చక్కర్లు కొడుతున్నాయి.ఆ విషయాలపై సమంతనే పూర్తి క్లారిటీ ఇవ్వాలి.