Singer Mano: సింగర్ మనో కొడుకులపై కేసు నమోదు అయిన విషయం తెల్సిందే. చెన్నై ఆలప్పాక్కంకి చెందిన 20 ఏళ్ల కృపాకరన్ , మదురవాయల్కు చెందిన 16 ఏళ్ల కాలేజీ విద్యార్థి వళసరవాక్కం శ్రీదేవి కుప్పంలోని ఫుట్బాల్ అకాడమీలో శిక్షణ తీసుకొని ఇంటికి వస్తుండగా.. మనో కుమారులు అయిన షకీర్, రఫీ మద్యం మత్తులో వారితో గొడవపడ్డారు. ఆ గొడవ మరింత ముదిరి.. ఒకరిపై ఒకరు దాడికి పాల్పడ్డారు.
ఆ ఇద్దరు కుర్రాళ్లను.. షకీర్, రఫీ తో పాటు వారి ఫ్రెండ్స్ అయిన మరో ముగ్గురు చితకబాదారు. ఈ దాడిలో కృపాకరన్కు తీవ్ర గాయాలయ్యాయి. ఈ విషయం తెలుసుకున్న పోలీసులు రఫీ, షకీర్.. వారి స్నేహితులు విఘ్నేష్, ధర్మ, జహీర్పై కేసు నమోదు చేశారు. ఇక ఈ కేసు తరువాత మనో కుమారులు ఇద్దరు పరారీలో ఉన్నారు.
తాజాగా నేడు ఆ ఇద్దరినీ పోలీసులు అరెస్ట్ చేసారు. అయితే ఈ గొడవకు సంబంధించిన సీసీటీవీ ఫుటేజ్ పోలీసులకు దొరికింది. ఇందులో 4 ద్విచక్ర వాహనాలపై వచ్చిన 10 మందికి పైగా వ్యక్తులు రఫి, షకీర్ పై దాడికి పాల్పడుతున్న దృశ్యాలు కనిపిస్తున్నాయి. మనో ఇద్దరు కుమారులపై 16 ఏళ్ల బాలుడితో సహా 8 మంది వ్యక్తులు రాళ్లు, కర్రలతో దాడి చేసిన వీడియో ప్రస్తుతం సోషల్ మీడియాను షేక్ చేస్తోంది.
ఇక ఈ వీడియో ఆధారంగా రఫీ, షకీర్ ఈ దాడికి పాల్పడలేదని తెలుస్తోంది. ఇదే విషయాన్నీ మనో భార్య తెలిపింది. తన కొడుకులు ఈ దాడి చేయలేదని, ఈ కేసు వెనుక పెద్ద కుట్ర జరుగుతుందని ఆమె వాపోయింది. అసలు ఈ దాడి వెనుక ఉన్నది ఎవరు.. ? ఎందుకు ఇదంతా చేస్తున్నారు.. ? మొన్నటికి మొన్న మనో కుమారులే దాడి చేశారు అని కేసు పెట్టారు. ఇప్పుడు విజువల్స్ లో వారినే కొడుతున్నట్లు కనిపిస్తుంది. తాము తప్పు చేయలేదు అన్నప్పుడు రఫి, షకీర్ ఎందుకు పరారు అయ్యినట్లు అని నెటిజన్స్ అనుమానిస్తున్నారు. ఈ కేసుకు సంబంధించిన పూర్తి వివరాలు ఇంకా తెలియాల్సి ఉన్నాయి.
Share
Garudan: తమిళ్ రీమేక్ లో కుర్ర హీరోలు.. ఒకరిని మించి ఒకరు ఉన్నారే
Priya Prakash Varrier: అందచందాలతో హల్చల్ చేస్తున్న హీరోయిన్.. నిద్ర పట్టడంలేదంటున్న కుర్రోళ్లు
