Swag: ట్యాలెంటెడ్ హీరో శ్రీవిష్ణు, రీతూ వర్మ జంటగా నటిస్తున్న చిత్రం స్వాగ్. హసిత్ గోలి దర్శకత్వం వహిస్తున్న ఈ సినిమాను పీపుల్ మీడియా ఫ్యాక్టరీ బ్యానర్ పై టీజ్ విశ్వప్రసాద్ నిర్మిస్తున్నాడు. ఇక ఈ చిత్రంలో దక్షా నగార్కర్, మీరా జాస్మిన్ తదితరులు కీలక పాత్రల్లో నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి.
ఇక వారం నుంచి సింగా.. సింగా అని సోషల్ మీడియాను షేక్ చేసి స్వాగ్ లో మొదటి పాట సింగరో సింగా వస్తుందని చెప్పుకొచ్చారు. బాబా సెహగల్, సింగా కలిసి వస్తున్నారని చెప్పుకొచ్చారు. ఇక తాజాగా సింగరో సింగా ఫుల్ లిరికల్ సాంగ్ ను మేకర్స్ రిలీజ్ చేసారు. సాంగ్ ఆద్యంతం ఆకట్టుకుంటుంది.
సింగా అసలు పేరు సింగరేణి. ఈ సినిమాలో సింగరేణి అనే పాత్రలో శ్రీవిష్ణు కనిపించనున్నాడు. ఇక అతనికి జోడిగా దక్ష కనిపించనున్నట్లు తెలుస్తోంది. సాంగ్ మాత్రం చాలా హుషారుగా ఉంది. సోషల్ మీడియాకు ఎడిక్ట్ అయిన సింగా గురించి సాంగ్ లో వినిపించారు. సింగా ఏం చేస్తాడు.. ? అతని ఫాలోయింగ్ ఎలా ఉంటుంది.. ? అతడి యాటిట్యూడ్ ఏంటి .. ? అనేది చూపించారు.
నిక్లేష్ సుంకోజీ అందించిన లిరిక్స్ గమ్మత్తుగా ఉండగా.. దాన్ని తన వాయిస్ తో మరో లెవెల్ కు తీసుకెళ్లాడు బాబా సెహగల్. ఇక శ్రీవిష్ణు స్వాగ్ మాత్రం నెక్స్ట్ లెవెల్ అని చెప్పాలి. ఈ ప్రమోషన్స్, సాంగ్ చూస్తుంటే కచ్చితంగా ఈసారి శ్రీవిష్ణు మరో విజయాన్ని తన ఖాతాలో వేసుకుంటాడనే అని చెప్పొచ్చు. మరి ఈ సినిమాను ప్రేక్షకులు ఎలా ఆదరిస్తారో చూడాలి.
Share
Pinnelli Ramakrishna Reddy: పిన్నెల్లికి హైకోర్టులో షాక్.. బెయిల్ నిరాకరణ
#90's Web Series: అరుదైన ఘనత సాధించిన బిగ్ బాస్ శివాజీ వెబ్ సిరీస్
