Kalki 2898AD: ఏంటి.. నిజమా.. కల్కి సినిమా టికెట్స్ కన్నా సమోసాల వలనే ఎక్కువ లాభం వచ్చిందా.. ? అంటే నిజమే అంటున్నాయి ట్రేడ్ వర్గాలు. ఒక్కో థియేటర్ కోటి వరకు లాభాలను అందుకున్నాయి. పాన్ ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన చిత్రం కల్కి2898 AD. వైజయంతీ మూవీస్ బ్యానర్ పై తెరకెక్కిన ఈ సినిమాలో దీపికా పదుకొనే హీరోయిన్ గా కనిపించగా.. అమితాబ్ బచ్చన్, దిశా పటానీ కీలక పాత్రల్లో నటించారు. లోక నాయకుడు కమల్ హాసన్ విలన్ గా కనిపించాడు.
ఎన్నో అంచనాల నడుమ జూన్ 27న రిలీజ్ అయిన ఈ సినిమా భారీ విజయాన్ని అందుకోవడంతో పాటు రికార్డు కలక్షన్స్ రాబడుతుంది. ఇప్పటివరకు కల్కి ప్రపంచవ్యాప్తంగా రూ.1100 కోట్ల మార్క్ ను దాటేసింది. ఇక ఆగస్టు 2 నుంచి 9 వరకు మేకర్స్ ప్రేక్షకులకు బంపర్ ఆఫర్ ఇస్తూ టికెట్ రేట్ తగ్గించడంతో.. థియేటర్స్ ఇంకా ఫుల్ గా రన్ అవుతున్నాయి. ఈ రష్ ఇప్పుడప్పుడే ఆగేలా కనిపించడం లేదు.
ఇక ఇదంతా పక్కన పెడితే.. కల్కి సినిమా వలన థియేటర్ యాజమాన్యం కోట్లు సంపాదించుకున్నారు. వారికి టికెట్స్ వలన వచ్చిన లాభం కంటే సమోసాలు అమ్మడం వలన వచ్చిన లాభమే ఎక్కువ అంటే అతిశయోక్తి కాదు. ఒక్కో థియేటర్ లో కల్కి సినిమా పుణ్యమా అని 1 కోటి బిజినెస్ అయ్యిందని సమాచారం. ముఖ్యంగా మల్టిఫ్లెక్స్ లు అయినా ఏషియన్, పీవీఆర్ లు అయితే ఏకంగా 60 శాతం లాభాలు ఫుడ్ మీదనే వచ్చాయి.
పీవీఆర్ ఇప్పటివరకు ఈ ఫుడ్ వలనే రూ.150 కోట్లు.. ఏషియన్ రూ.50 కోట్లు సంపాదించిందని టాక్ నడుస్తోంది. అందులో టికెట్స్ వలన వచ్చింది 40 శాతం మాత్రమే. మిగతా 60 శాతం సమోసాలు వలన వచ్చిందే. నమ్మబుద్ది కావడం లేదు కదా. సాధారణంగా.. బయట తినే ఫుడ్ కన్నా మల్టిఫ్లెక్స్ లో ఫుడ్ కాస్ట్ చాలా ఎక్కువ.
కల్కి సినిమాకు కుటుంబాలతో సహా రావడంతో.. విరామ సమయంలో స్నాక్స్ రేటును పెంచేసి అమ్మడం, బయటకు వెళ్లి తినే అప్షన్ లేకపోవడంతో వేరే గత్యంతరం లేక అక్కడే ఎంతరేటు అయినా తీసుకుంటున్నారు. సినిమా టికెట్ రేటు కన్నా.. అక్కడ తినే ఫుడ్ కే రేటు ఎక్కువ. అందుకే.. టికెట్స్ వలన మల్టీప్లెక్స్ లకు వచ్చే లాభాల కన్నా ఫుడ్ వలన వచ్చే లాభాలే ఎక్కువ. ఈ విషయం తెలియడంతో అభిమానులు ముక్కున వేలేసుకుంటున్నారు.
Share
Flipkart Flagship Sale 2024: ఇండిపెండెన్స్ డే స్పెషల్.. ఏకంగా 5 బ్రాండెడ్ ఫోన్లపై కళ్లు చెదిరిపోయే డిస్కౌంట్లు..!
Heavy Rains: అలర్ట్.. రేపు ఈ జిల్లాల్లో భారీ వర్షాలు
