Balagam Movie: ఇటీవల విడుదలైన బలగం సినిమా తెలుగు ప్రేక్షకులను విపరీతంగా మెప్పిస్తోంది. సున్నిత అంశాలతో తెరకెక్కిన ఈ మూవీకి రోజురోజకు ఆదరణ పెరుగుతోంది. థియేటర్లకు జనం క్యూ కడుతున్నారు. ఇప్పటికే ఓటీటీలో విడుదలైనా థియేటర్లకు వచ్చే ప్రేక్షకుల సంఖ్య మాత్రం తగ్గడంలేదు. ముఖ్యంగా తెలంగాణ ప్రాంతంలో ఈ సినిమాకు ఆదరణ చాలా ఎక్కువగా ఉంది.
తెలంగాణ సంస్కృతి, సంప్రదాయలకు అద్దం పడుతూ తెరకెక్కిన బలగం చిన్న సినిమాగా విడుదలైన భారీ హిట్ ను సొంతం చేసుకుంది. ఈ నేపథ్యంలోనే పాత రోజులను గుర్తు చేస్తూ.. తెలంగాణలోని అనేక పల్లెల్లో ఈ సినిమాను వీధుల్లో తెరపై ప్రదర్శిస్తున్నారు. తాజాగా ఓ ఊరిలో ఈ చిత్రాన్ని ఇలాగే ప్రదర్శించారు. బలగం సినిమాను చూస్తూ.. ఆ గ్రామస్థులు భావోద్వేగానికి గురయ్యారు. క్లైమాక్స్‌ సన్నివేశాల సమయంలో ప్రతి ఒక్కరూ కన్నీరు పెట్టుకున్నారు. ఆ వీడియోను ఓ నెటిజన్ ట్విట్టర్ లో షేర్‌ చేశాడు. ఈ ట్వీట్ పై బలగం హీరో ప్రియదర్శి స్పందించాడు. ఇది తన సినిమానేనా? అని ఆశ్చర్యం వ్యక్తం చేశాడు.
జబర్దస్త్ షో ద్వారా కమెడియన్‌గా మంచి గుర్తింపు తెచ్చుకున్న వేణు బలగం చిత్రానికి దర్శకుడు. ప్రియదర్శి – కావ్యా కల్యాణ్‌రామ్‌ జోడిగా నటించారు. దిల్‌రాజు ప్రొడక్షన్స్‌ పతాకంపై హన్షిత్‌, హర్షిత ఈ మూవీని నిర్మించారు. విడుదలైన కొన్నిరోజుల్లోనే రెండు అంతర్జాతీయ అవార్డులను బలగం సొంతం చేసుకుంది. విమర్శకులు బలగంపై ప్రశంసలు కురిపిస్తున్నారు.
Share
KTR , Kavitha : స్టీల్ ప్లాంట్ కోసం అన్న లేఖ.. నిరుద్యోగుల కోసం చెల్లి ట్వీట్.. కేంద్రంపై ఫైట్..
Radhika Merchant : అంబానీ చిన్న కోడలు హ్యాండ్ బ్యాగ్ ఫోటో వైరల్ .. ధర ఎంతో తెలుసా..?
