Sitara Jewellery Ad : అచ్ఛం ప్రిన్సెస్ లా ఉంది.. వావ్ అనిపించిన సితార!

Sitara Jewellery Ad : వావ్! ఈ యాడ్ చూసిన తరువాత మీకు కలిగే ఫీలింగ్ ఇదే! వావ్ తరువాత ఎంత అందమైన ఎక్స్ ప్రెషన్ పెడతారో మీ ఇష్టం. ఎందుకంటే.. టాలీవుడ్ ప్రిన్స్ మహేశ్ బాబు కూతురు సితార యాక్ట్ చేసిన యాడ్ చూస్తే కలిగే ఫీలింగ్ ఇదే. యాక్టింగ్ లో ఓకే అనుకున్నా.. 11 ఏళ్ల వయసులో ఆమె చూపించిన స్కిల్స్ కి మాత్రం ఫిదా అవ్వాల్సిందే. అరే! టాలీవుడ్ లో ఏ సెలబ్రెటీకీ పిల్లలకూ సాధ్యం కాని రీతిలో సితార యాక్ట్ చేసిందంటే నమ్మగలరా! పైగా ఆ యాడ్ కి ఆమెకు వచ్చిన అమౌంట్ కూడా తక్కువేమీ కాదు. టాలీవుడ్ సర్కిల్స్ లో చక్కర్లు కొడుతున్న దానిని బట్టి చూస్తే.. ఫస్ట్ యాడ్ కే దాదాపు రూ.కోటి తీసుకున్నట్టు తెలుస్తోంది. కానీ ఎంతైనా కృష్ణ మనవరాలు కదా.. ఆ దానగుణం ఎక్కడికి పోతుంది.. అందుకే తనకు అందిన మొత్తాన్ని అలాగే ఓ ఛారిటీకి ఇచ్చేసినట్టు స్వయంగా సితారనే చెప్పింది. గ్రేట్ కదా!

ఓ నగల సంస్థ యాడ్ లో నటించిన సితారకు ఇదే ఫస్ట్ స్క్రీన్ ఎక్స్ పీరియన్స్ అయినా బాగా చేసిందనే చెప్పాలి. యాక్టింగ్ ఇంకొంచెం మెరుగుపడాలి. అక్కడక్కడా ఎక్స్ ప్రెషన్ కొంచెం మెరుగులు దిద్దుకోవాల్సి ఉంటుంది. ఇక ఓవరాల్ గా చూస్తే గుడ్. గౌతమ్ ని క్రాస్ చేసేలా దూసుకుపోయింది. సితార్ చాలా పాటలకు డ్యాన్సర్ గా చేసింది. అందరినీ మెప్పించింది. ఇక ఇప్పుడు యాక్టింగ్ చేస్తోంది.

మొత్తానికి ఘట్టమనేని ఇంట తొలిసారిగా వారి వారసురాలు స్క్రీన్ లో కనిపిస్తోంది. అంతకుముందు కృష్ణ తన కూతురును హీరోయిన్ గా పరిచయం చేయాలనుకున్నారు. కానీ ఫ్యాన్స్ నుంచి పెద్ద ఎత్తున నిరసన వచ్చింది. ఇప్పుడు మాత్రం సితార విషయంలో ప్రశంసల వర్షం కురుస్తోంది. సో.. ఘట్టమనేని ఫ్యామిలీ హ్యాపీ. ఇక తొలి యాడ్ తోనే అటు టాలీవుడ్, ఇటు తెలుగు ప్రేక్షకుల అభిమానాన్ని సొంతం చేసుకున్న సితార.. నెక్స్ట్ ప్రాజెక్ట్స్ తో ఇంకేం వండర్స్ క్రియేట్ చేస్తుందో చూడాలి. అన్నట్టు.. సితార నటించిన యాడ్ ఫుల్ వీడియోను మహేశ్ బాబు తన సోషల్ మీడియా ఖాతాలో పోస్ట్ చేశారు. అది కాస్తా వైరల్ గా మారింది.