Trivikram Thaman : టాలీవుడ్ నుంచి రూపొందుతోన్న క్రేజీ ప్రాజెక్ట్స్‌లో మహేష్, త్రివిక్రమ్ కాంబినేష‌న్‌లో రూపొందుతోన్న చిత్రం ఒక‌టి. SSMB 28గా సెట్స్‌పై ఉన్న ఈ సినిమా కొత్త షెడ్యూల్ త్వ‌ర‌లోనే ప్రారంభం కానుంది. ఈ సినిమాకు త‌మ‌న్‌ను మ్యూజిక్ డైరెక్ట‌ర్‌గా ముందు అనుకున్నారు. అయితే లేటెస్ట్ స‌మాచారం మేర‌కు త‌మ‌న్ కాకుండా మ‌రో సంగీత ద‌ర్శ‌కుడిని తీసుకోవాల‌ని త్రివిక్రమ్ ఆలోచిస్తున్నారు. ఇంత‌కీ త‌మ‌న్‌ని ఎవ‌రితో గురూజీ రీ ప్లేస్ చేయాల‌నుకుంట‌న్నారో తెలుసా!.. కోలీవుడ్ మ్యూజిక్ డైరెక్ట‌ర్ అనిరుద్ ర‌విచంద్ర‌న్‌.
నిజానికి త్రివిక్రమ్, త‌మ‌న్ కాంబినేష‌న్‌లో ఇంత‌కు ముందు వ‌చ్చిన అర‌వింద స‌మేత, అల వైకుంఠ‌పుర‌ములో చిత్రాలు సంగీతం ప‌రంగా మంచి ఆద‌ర‌ణ‌ను ద‌క్కించుకున్నాయి. అలాంటి త‌మ‌న్‌ను ప‌క్క‌న పెట్టి త్రివిక్రమ్ ఎందుకు మ‌రో సంగీత ద‌ర్శ‌కుడు వైపు చూడాల‌నుకుంటున్నారనేది ఎవ‌రికీ అర్థం కాలేదు. అయితే ఈ వార్త‌లో నిజానిజాలేంట‌నేది త్వ‌ర‌లోనే క్లారిటీ రానుంది. అత‌డు, ఖ‌లేజా చిత్రాలు త‌ర్వాత మహేష్, త్రివిక్రమ్ క‌ల‌యిక‌లో రాబోతున్న సినిమా ఇది. పూజా హెగ్డే హీరోయిన్‌. రాధా కృష్ణ (చిన‌బాబు) ఈ చిత్రానికి నిర్మాత.
SSMB 28 కోసం మహేష్ తన లుక్‌ని పూర్తిగా మార్చుకున్నారు. సిక్స్ ప్యాక్ మేకోవర్‌తో మహేష్ కనిపించబోతున్నారు. వచ్చే ఏడాది ఏప్రిల్ 28న ఈ మూవీని రిలీజ్ చేస్తామని నిర్మాతలు ప్రకటిచారు. కానీ రిలీజ్ డేట్ మారే అవకాశాలు ఎక్కువగా ఉన్నాయని సినీ సర్కిల్స్‌లో వినిపిస్తోన్న టాక్.
Share
