Veera Simha Reddy Trailer : ‘వీర సింహా రెడ్డి’ ట్రైలర్ డేట్.. ప్లేస్ ఫిక్స్

Veera Simha Reddy Trailer : నటసింహ నందమూరి బాలకృష్ణ హీరోగా గోపీచంద్ మ‌లినేని ద‌ర్శ‌క‌త్వంలో రూపొందుతోన్న చిత్రం ‘వీర సింహా రెడ్డి’ . బాల‌య్య 107వ చిత్ర‌మిది. సంక్రాంతి సంద‌ర్భంగా జ‌న‌వ‌రి 12న రిలీజ్ కానుంది. దీంతో ఫ్యాన్స్‌, సినీ ప్రేక్ష‌కులు సినిమా కోసం ఎంతో ఎగ్జ‌యిట్‌మెంట్‌తో వెయిట్ చేస్తున్నారు. ఇప్ప‌టికే మేక‌ర్స్ ప్ర‌మోష‌న‌ల్ యాక్టివిటీస్ స్పీడుని పెంచారు. ఈ సినిమా ట్రైల‌ర్ ఎప్పుడు వ‌స్తుందా అని ఇప్పుడు అంద‌రూ ఎదురు చూస్తున్నారు. సినీ స‌ర్కిల్స్‌లో వినిపిస్తోన్న స‌మాచారం మేర‌కు.. వీర సింహా రెడ్డి సినిమా ట్రైల‌ర్‌ను భారీ లెవ‌ల్లో విడుద‌ల చేయ‌బోతున్నార‌ట‌. జ‌న‌వ‌రి 6న ఒంగోలులో ఈ మూవీ ట్రైల‌ర్‌ను రిలీజ్ చేయ‌టానికి స‌న్నాహాలు జ‌రుగుతున్నాయ‌ని టాక్‌. ఇంతకు ముందు వీర సింహా రెడ్డి టైటిల్, ఫస్ట్ లుక్‌ను కర్నూలులోని కొండా రెడ్డి బూరుజు దగ్గర విడుదల చేశారు. ఇప్పుడు ఒంగోలు థియేట్రికల్ ట్రైలర్ రిలీజ్ ప్లాన్ చేశారు.

అఖండ త‌ర్వాత బాల‌కృష్ణ‌.. క్రాక్ త‌ర్వాత గోపీచంద్ మ‌లినేని చేస్తున్న మూవీ ఇది. వీరిద్ద‌రూ క‌లిసి చేస్తున్న సినిమా కావ‌టంతో వీర సింహా రెడ్డిపై భారీ ఎక్స్‌పెక్టేష‌న్స్ ఉన్నాయి. శ్రుతీ హాస‌న్ హీరోయిన్‌గా న‌టిస్తుంది. మైత్రీ మూవీ మేక‌ర్స్ సినిమాను నిర్మిస్తుంది. సంక్రాంతి పండుగ బాల‌య్య‌కు బాగా క‌లిసొచ్చే పండుగ‌. మ‌రి ఈసారి ఆయ‌న‌కిది ఎలా క‌లిసొస్తుందో చూడాలి మ‌రి.