Vijay Deverakonda: విజయ్ దేవరకొండ. సాలా క్రాస్ బ్రీడ్. పెళ్లిచూపులు, అర్జున్ రెడ్డి, గీతాగోవిందం మినహా మిగతా సినిమాలన్నీ ఫ్లాప్. అందులో కొన్ని అట్టర్ ఫ్లాప్ కూడా. ఇటీవలి లైగర్ అయితే డిజాస్టర్. అలా అలా పడిలేస్తూ.. తన 12వ సినిమాకు సిద్ధమయ్యాడు విజయ్. లైగర్ ఫెయిల్యూర్ నుంచి తేరుకొని.. కొత్త సినిమా ప్రకటించేశాడు. జాగ్రత్తగా సెలెక్ట్ చేసుకున్నాడేమో.. ఈ కొత్త సినిమాలో అనేక క్రేజీ అంశాలు కనిపిస్తున్నాయి.
ఫ్యాన్స్ కు పొంగల్ ఫీస్ట్ ఇచ్చాడు దేవరకొండ. #VD12 వర్కింగ్‌ టైటిల్‌తో తన నెక్ట్స్ మూవీ అనౌన్స్ చేశాడు. ఈ మేరకు ఓ పోస్టర్ రిలీజ్ చేశాడు.
ఫస్ట్ లుక్ అదిరిపోయింది. విజయ్ ముఖం కనిపించకుండా ముఖానికి మాస్క్ తో ఉన్నా.. పవర్ ఫుల్ పోలీస్ ఆఫీసర్ రోల్ అని తెలుస్తోంది. పోస్టర్ లో నీళ్లలో మంటలకు తగలబడుతున్న పడవ లాంటి క్రైమ్ ఎలిమెంట్స్ కనిపిస్తున్నాయి.
ఇక, అనానమస్ స్పై పేరుతో ఓ పవర్ ఫుల్ కొటేషన్ కూడా ఉంది. ‘నేను ఎవరిని మోసం చేస్తున్నానో చెప్పేందుకు.. నేను ఎక్కడి వాడినో నాకు తెలియదు’ అంటూ ఇంగ్లీష్ లో ఉన్న కొటేషన్ ఆసక్తి రేపుతోంది. దాన్ని బట్టి.. విజయ్ ది “స్పై” క్యారెక్టర్ లా అనిపిస్తోంది. పక్కా యాక్షన్, థ్రిల్లర్ కావొచ్చని అంటున్నారు.
సితార ఎంటర్‌టైన్‌మెంట్స్‌ సంస్థ ఈ సినిమా నిర్మిస్తోంది. హీరోయిన్, విలన్, టైటిల్ తదితర ఇన్ఫర్మేషన్ ఏమీ ప్రస్తుతానికి తెలీకున్నా.. డైరెక్టర్ తో సినిమాపై ఎక్స్ పెక్టేషన్స్ అమాంతం పెరిగిపోతున్నాయి.
VD12 కి ‘గౌతమ్ తిన్ననూరి'(Gowtam Tinnanuri) డైరెక్టర్. తెలుసుగా ఇతనెవరో. నాని హీరోగా తీసిన ‘జెర్సీ’కి ఉత్తమ చిత్రంగా జాతీయ అవార్డు అందుకున్న దర్శకుడు. అందుకే ఈ సినిమాపైనా సడెన్ గా ఆసక్తి పెరిగింది.
గతంలో రామ్‌చరణ్‌ హీరోగా ఓ చిత్రాన్ని ప్రకటించాడు గౌతమ్. ఆ భారీ ప్రాజెక్టు మొదలుకాకముందే ఆగిపోయింది. ఇప్పుడు అదే గౌతమ్.. విజయ్ తో సినిమా చేస్తున్నాడు. అంటే, రాంచరణ్ తో చేయాల్సిన సినిమాను దేవరకొండతో చేస్తున్నారని అంటున్నారు. అదే స్టోరీనా.. లేదంటే వేరే కథనా అనేది తెలియాల్సి ఉంది. మరి, మాస్+క్లాస్ హీరో విజయ్ దేవరకొండను పోలీస్ ఆఫీసర్ గా ఎలా చూపిస్తాడో. జెర్సీలో ఎమోషన్స్, స్క్రీన్ ప్లే తో కట్టిపడేసిన గౌతమ్.. విజయ్ సినిమాను ఏ యాంగిల్ లో తెరకెక్కిస్తాడో..అంటూ ప్రేక్షకుల్లో అప్పుడే అంచనాలు మొదలైపోయాయి.
Share
KCR: కేసీఆర్ 'కాపు' కార్డు.. ఆ ఇద్దరికీ 'ఏపీ' లెక్కుందా?
Donating pumpkin:- సంక్రాంతి రోజు గుమ్మడిపండు దానం చేస్తే చాలు
