Viran Muttemshetty: ఐకాన్ స్టార్ అల్లు అర్జున్ కాంపౌండ్ నుంచి వచ్చిన హీరో విరాన్ ముత్తంశెట్టి. బన్నీ కజిన్ గా టాలీవుడ్ కు ఎంట్రీ ఇచ్చినా.. నటుడిగా నిలబడడానికి విరాన్ చాలా కష్టపడుతున్నాడు. ఇప్పటికే విరాన్ బతుకు బస్టాండ్, ముఖ్య గమనిక, పురుషోత్తముడు లాంటి సినిమాల్లో నటించి మెప్పించాడు. ప్రస్తుతం విరాన్ మరో కొత్త సినిమాతో ప్రేక్షకుల ముందుకు రానుంది.
విరాన్ హీరోగా నటిస్తున్న చిత్రం గిల్ట్. చలపతి పువ్వల దర్శకత్వం వహిస్తున్న ఈ చిత్రాన్ని కమలహాసిని మూవీ మేకర్స్ బ్యానర్ మీద లక్ష్మీ సునీల, డా. పార్థసారథి రెడ్డి, ఎ. శివ కుమార్ నిర్మిస్తున్నారు. నేడు వినాయక చవితి పండుగ సందర్భంగా ఈ సినిమా టైటిల్ పోస్టర్ ను మేకర్స్ రిలీజ్ చేసి ప్రేక్షకులకు శుభాకాంక్షలు తెలిపారు.
టైటిల్ పోస్టర్ ఆసక్తికరంగా డిజైన్ చేసారు. క్రైమ్ సీన్ లో రెండు సీతాకోక చిలుకలను చూపించారు. గిల్ట్ కి ట్యాగ్ లైన్ గా ట్రూ లవర్ అని పెట్టడంతో యూత్ ఫుల్ లవ్ స్టోరీతో పాటుగా క్రైమ్, యాక్షన్, థ్రిల్లర్‌గా ఉండబోతోందని తెలుస్తోంది. ప్రస్తుతం ఈ సినిమా రాజమండ్రి పరిసర ప్రాంతాల్లో షూటింగ్ జరుపుకుంటుంది.
ఇప్పటివరకు విలన్ గా నటించి మెప్పించిన విరాన్.. ఇప్పుడు హీరోగా గిల్ట్ అనే సినిమాతో వస్తున్నాడు. త్వరలోనే ఈ సినిమా ప్రేక్షకుల ముందుకు రానుంది. మరి ఈ సినిమాతో విరాన్ ఎలాంటి విజయాన్ని అందుకుంటాడో చూడాలి.
Share
Budameru Floods: బుడమేరు గండి పూడ్చివేత పూర్తి .. పరిశీలించిన మంత్రి నారా లోకేశ్..
Big Shock to YS Jagan: పూర్తిగా ఖాళీ అవుతున్న వైసీపీ.. వీళ్లంతా జంప్
