Turkey: టర్కీ, సిరియాలో రోజురోజుకు పరిస్థితులు దారుణంగా మారుతున్నాయి. ఎటుచూసినా హృదయవిదారక దృశ్యాలే కనిపిస్తున్నాయి. పేకమేడళ్లా కూలిపోయిన భవనాల కింద చిక్కుకొని ఎంతో మంది ప్రాణాలు కోల్పోయారు. శిథిలాలు తొలగిస్తున్నా కొద్దీ శవాలు బయటపడుతున్నాయి. గుట్టలుగా శవాలు దర్శనమిస్తున్నాయి. ఇప్పటి వరకు దాదాపు 26 వేల మంది మరణించినట్లు అక్కడి మీడియా వర్గాలు తెలిపాయి.
అయితే ఇటువంటి విపత్కర పరిస్థితుల్లో ఒకరికొకరు సాయం చేసుకోవాల్సింది పోయి.. కొందరు దోపిడీలకు పాల్పడుతున్నారు. చేతికందిందళ్లా దోచుకుంటూ చిన్న పిల్లలను కిడ్నాప్ చేస్తున్నారు. టర్కీలోని హటే ప్రావిన్స్‌లో ఈ ఘటనలు ఎక్కువగా చోటుచేసుకుంటున్నాయి. ఇప్పటి వరకు దోపిడీలకు పాల్పడిన 48 మందిని టర్కీ పోలీసులు అరెస్ట్ చేశారు. దోపిడీలకు, కిడ్నాప్‌లకు పాల్పడుతున్న వారిపై కఠినంగా వ్యవహరిస్తామని పోలీసులు తెలిపారు.
Share
Mohammed Shami : కోహ్లీనే మించిపోయిన షమి
China–Pakistan : చైనాకు దగ్గరైన పాకిస్థాన్.. దానికోసమే..
