Minnesota Dam Collapsed in America due to Floods: అమెరికాలోని పలు రాష్ట్రాల్లో భారీ వర్షాలు కురుస్తుండగా డ్యామ్ తెగి జనావాసాల్లోకి నీరు చేరింది. అమెరికాలోని నాలుగు రాష్ట్రాలు వరదలతో విలవిల్లాడుతున్నాయి. ఐయోవా సౌత్ డకోటా, మిన్నెసోటా, నెబ్రోస్కా రాష్ట్రాల్లో దాదాపు 30 లక్షల మంది ప్రజలు తీవ్ర ఇబ్బందులు పడుతున్నారు. మిన్నెసోటాలోని బ్లూ ఎర్త్ కైంటీలో ది ర్యాపిడాన్ డ్యామ్ వరద తీవ్రతకు తెగిపోయింది. దీంతో అధికారులు సమీప ప్రాంతాల్లోని ప్రజలను సురక్షత ప్రాంతాలకు తరలించారు. వర్షాల కారణంగ డ్యామ్ తీవ్రంగా దెబ్బతిన్నట్లు అధికారులు వెల్లడించారు. దక్షిణ మిన్నెసోటా ప్రాంతం ఇప్పటికీ వరదల్లోనే ఉంది.
ఐయోవా వరదల్లో ఓ వ్యక్తి కొట్టుకుపోయినట్లు అధికారులు చెబుతున్నారు. దాదాపు 11 వేల మంది నివసిస్తున్న సెన్సర్ పట్టణం, క్లే కౌంటీలకు ఇతర ప్రాంతాలతో పూర్తిగా సంబంధాలు తెగిపోయాయి. అధికారులు 383 మందిని వరదల నుంచి కాపాడారు. సియోక్స్ నగర నీటి ప్రవాహం కారణంగా సమీపంలోని రైల్ రోడ్ వంతెన కుప్పకూలింది. అయితే 1993లో వచ్చిన భయానక వరదలను ప్రస్తుత పరిస్థితి గుర్తు చెస్తోందని గవర్నర్ పేర్కొన్నారు. ఇక్కడ ప్రధాన వ్యాపారాలు మొత్తం మూతపడ్డాయి. ఆసుప్రతులు కూడా ఖాళీ చేయించారు. ఇక వారం మొదట్లో నీటి ప్రవాహ తీవ్రత ఎక్కువగా ఉంటుందని అధికారులు అంచనా వేస్తున్నారు. ఈ వరద నీరు మొత్తం మిస్సోరీ, మిసిస్సిప్పీ నదిలోకి చేరనుంది.
Also Read: పాకిస్తాన్‌లో కాంగో వైరస్ కలకలం.. వణుకుతున్న దక్షిణాసియా దేశాలు
కుండపోత వర్షాలు:
సియోక్స్ ప్రాంతంలో భారీ వర్షాలు కురిసాయి. ఇక్కడి విమానాశ్రయ ప్రాంతంలో భారీ వర్షాపాతం నమోదైంది. ఇక ఐయోవాలోని రాక్ ర్యాపిడ్స్ ప్రాంతంలో 11 సెంటీ మీటర్ల వర్షం కురిసింది. అమెరికాలోని పలు ప్రాంతాల్లో నేల పూర్తిగా తేమతో నిండిపోయి నీరు ఇంకని పరిస్థితి ఏర్పడింది.
Share
David Warner Retirement: ఇక సెలవు.. అంతర్జాతీయ క్రికెట్‌కు దిగ్గజ క్రికెటర్ గుడ్‌బై..!
Chandrababu Emotional Comments: మళ్లీ జన్మ అంటూ ఉంటే కుప్పంలోనే పుడతా: సీఎం చంద్రబాబు భావోద్వేగం!
