California: నిమిషం వ్యవధిలో రూ. 16 కోట్ల దోపిడీ.. కాలిఫోర్నియా నగల దుకాణంలో బీభత్సం

California: అమెరికాలోని కాలిఫోర్నియా రాష్ట్రం సన్నీవేల్ నగరంలో గతేడాది చోటుచేసుకున్న ఒక భారీ దోపిడీకి సంబంధించిన దృశ్యాలను అధికారులు తాజాగా విడుదల చేయడంతో ఈ ఉదంతం మరోసారి చర్చనీయాంశమైంది. భారతీయ మూలాలున్న వ్యాపారి నితిన్ కుమార్ నిర్వహిస్తున్న ‘కుమార్ జువెలర్స్’ లోకి దుండగులు గుంపులుగా చొరబడి చేసిన ఈ దాడి ఇప్పుడు సోషల్ మీడియాలో వైరల్‌గా మారింది. పక్కా ప్రణాళికతో, మెరుపు వేగంతో సాగిన ఈ దోపిడీ చూస్తుంటే హాలీవుడ్ యాక్షన్ సినిమాను తలపిస్తోంది.

సుమారు 24 మంది ముసుగులు ధరించిన దుండగులు ఒక్కసారిగా నగల దుకాణంలోకి చొరబడ్డారు. చేతిలో సుత్తులు, ఇనుప రాడ్లు పట్టుకొని వచ్చిన వారు దుకాణంలోని అద్దాల అల్మారాలను క్షణాల్లో ధ్వంసం చేశారు. అక్కడ పనిచేస్తున్న సిబ్బంది తేరుకునే లోపే, కళ్లముందే ఉన్న బంగారు ఆభరణాలను, విలువైన వజ్రాలను బ్యాగుల్లో నింపుకున్నారు. కేవలం ఒక్క నిమిషంలోపే వారు తమ పని పూర్తి చేసుకుని అక్కడి నుంచి పరారవ్వడం గమనార్హం.

ఈ దోపిడీలో దాదాపు 1.7 మిలియన్ డాలర్ల (భారత కరెన్సీలో సుమారు రూ. 16 కోట్లు) విలువైన ఆభరణాలు చోరీకి గురైనట్లు పోలీసులు నిర్ధారించారు. ఆ సమయంలో దుకాణంలో ఉన్న ఉద్యోగులు ప్రాణ భయంతో పరుగులు తీశారు. సిబ్బందిని బెదిరిస్తూ, కేవలం కొన్ని సెకన్ల వ్యవధిలో భారీ మొత్తంలో సంపదను ఎత్తుకెళ్లడం ఆ ప్రాంతంలోని భద్రతా లోపాలను ఎత్తిచూపుతోంది. ముఖ్యంగా భారతీయ వ్యాపారులను లక్ష్యంగా చేసుకుని ఇటువంటి దాడులు జరగడం ప్రవాస భారతీయుల్లో ఆందోళన కలిగిస్తోంది.

ఘటన జరిగిన వెంటనే అప్రమత్తమైన పోలీసులు గాలింపు చర్యలు చేపట్టారు. నిందితులు పారిపోతున్న సమయంలో వారు వాడిన వాహనాలను గుర్తించి, వెంబడించి కొందరిని అదుపులోకి తీసుకున్నట్లు సమాచారం. అయితే, ఈ ముఠా వెనుక ఏదైనా వ్యవస్థీకృత నేర సమూహం ఉందా అనే కోణంలో దర్యాప్తు కొనసాగుతోంది. తాజాగా విడుదలైన సీసీటీవీ దృశ్యాలు నిందితులను గుర్తించడంలో ప్రజల సహాయం కోసమేనని అధికారులు స్పష్టం చేశారు.

Also Record: ఇరాన్ వార్.. రంగంలోకి నౌకా దళాలు, హార్ముజ్ జలసంధికి యుఎస్ మెరైన్ టీమ్స్

ఈ వీడియో సోషల్ మీడియాలో ప్రత్యక్షమైనప్పటి నుండి భద్రతపై పెద్ద ఎత్తున చర్చ జరుగుతోంది. విదేశాల్లో వ్యాపారాలు చేస్తున్న భారతీయుల రక్షణ కోసం స్థానిక ప్రభుత్వాలు మరిన్ని పటిష్టమైన చర్యలు తీసుకోవాలని నెటిజన్లు డిమాండ్ చేస్తున్నారు. ఇంత భారీ స్థాయిలో మనుషులు గుంపుగా వచ్చి దోపిడీకి పాల్పడటం కాలిఫోర్నియాలోని నగల వ్యాపారుల గుండెల్లో రైళ్లు పరిగెత్తిస్తోంది.

నిమిషంలోనే రూ.16 కోట్ల బంగారం ఎత్తుకెళ్లారు

2025లో కాలిఫోర్నియాలోని ఓ నగల దుకాణంలో జరిగిన చోరీకి సంబంధించిన వీడియోను అధికారులు తాజాగా విడుదల చేశారు

దాదాపు 24 మంది మాస్కులు ధరించి భారత వ్యాపారి నిర్వహిస్తున్న కుమార్ జువెల్లర్స్ లోకి చొరబడి నిమిషంలోనే 1.7 మిలియన్ల విలువైన బంగారం,… pic.twitter.com/zDgdjlJdOM

— BIG TV Breaking News (@bigtvtelugu) March 14, 2026