Indian Origin Family Died : కెనడాలో భారత సంతతి కుటుంబం మృతి.. ప్రమాదమా? హత్యలా ?

Indian Origin Family Died in Canada

Indian Origin Family Died in Canada(Today news paper telugu): కెనడాలో భారత సంతతికి చెందిన కుటుంబం అనుమానాస్పద స్థితిలో మృతి చెందింది. మార్చి 7వ తేదీన ఒంటారియో ప్రావిన్స్ లో జరిగిన ఈ ఘటన ఆలస్యంగా వెలుగులోకి వచ్చింది. ఒంటారియో ప్రావిన్స్ లో వారు నివాసం ఉంటున్న ఇంటిలో మంటలు చెలరేగడంతో దంపతులతో పాటు వారి 16 ఏళ్ల కుమార్తె కూడా మృతి చెందింది. గతవారమే ఈ ఘటన జరగగా.. శుక్రవారం (మార్చి 15) కాలిన స్థితిలో ఉన్న వారి మృతదేహాలను గుర్తించినట్లు పోలీసులు తెలిపారు.

మృతదేహాలను ఆస్పత్రికి తరలించిన పోలీసులు.. మృతులు రాజీవ్ వరికూ (51), ఆయన భార్య శిల్పా కొత్త (47), కుమార్తె మహెక్ గా గుర్తించారు. ఈ ఘటనపై కేసు నమోదు చేసిన పోలీసులు ఈ ఘటన అగ్నిప్రమాదం వల్ల జరిగింది కాదని అనుమానిస్తున్నారు. బ్రాంప్టన్ లోని బిగ్ స్కై వే, వాన్ కిర్క్ డ్రైవ్ పరిసరాల్లోని ఓ ఇంటిలో ఒకే కుటుంబానికి చెందిన ముగ్గురు సభ్యులు మరణించారు. 15 ఏళ్లుగా ఎలాంటి సమస్య లేకుండా ఇక్కడే నివాసం ఉంటున్న ఫ్యామిలీ.. గతవారం మంటల్లో కాలి చనిపోవడం అనుమానంగానే ఉందని స్థానికుడైన యూసఫ్ పోలీసులకు తెలిపాడు.

ఈ నేపథ్యంలో ముగ్గురు మరణాలపై పోలీసులు అనుమానాస్పద మృతిగా కేసు నమోదు చేశారు. అగ్నిప్రమాదం వెనుక హత్య కుట్ర కోణం ఉందని, ఆ కోణంలోనూ దర్యాప్తు చేస్తున్నారు.