Kenya’s Parliament Set on fire after Protests Against Controversial Tax: కెన్యా ప్రభుత్వం తీసుకొచ్చిన కొత్త ఆర్థిక బిల్లు ఆ దేశంలో అల్లర్లు చెలరేగడానికి కారణమైంది. ఈ ఆర్థిక బిల్లు ద్వారా భారీగా పన్నులు పెంచారంటూ ఆందోళనకారులు కెన్యా పార్లమెంటును ముట్టడించి నిప్పుపెట్టారు. ఆందోళనకారులను చెదరగొట్టేందుకు భద్రతాదళాలు కాల్పులు జరపడంతో ఐదుగురు ఆందోళనకారులు మరణించగా 150 మందికిపైగా గాయపడ్డారు.
కొత్త పన్నులను తక్షణం రద్దు చేయాలని ఆందోళనకారులు మంగళవారం పెద్దెత్తున నైరోబీలోని పార్లమెంటు భవనాన్ని ముట్టడించడంతో ఉద్రిక్త పరిస్థితులు నెలకున్నాయి. ఈ ఆందోళనలో అమెరికా మాజీ అధ్యక్షుడు బరాక్ ఒబామా సోదరి ఆమా ఒబామా కూడా పాల్గొన్నారు. పోలీసులు తొలుత టియర్ గ్యాస్, వాటర్ కేనన్లు ప్రయోగించినప్పటికీ ఆందోళనకారులు వెనక్కి తగ్గకపోగా పార్లమెంటు భవనానికి నిప్పుపెట్టారు. దీంతో భద్రతా దళాలు కాల్పులు జరిపాయి.
Also Read: లిబరల్ పార్టీకి బిగ్ షాక్.. ఉపఎన్నికల్లో ఓటమి..ట్రూడోపై పెరిగిన ఒత్తిడి!
కెన్యా ప్రభుత్వం బలవంతంగా తెచ్చిన కొత్త ఆర్థిక బిల్లు ప్రజా వ్యతిరేకమని నిరసనలో పాల్గొన్న ఆమా ఒబామా పేర్కొన్నారు. కొత్తగా విధించిన పన్నులను రద్దుచేయాలని నిరసన తెలపడం ప్రజల హక్కని, వారిపై కాల్పులకు తెగబడడం దారుణమని ఆమె అన్నారు. తామంతా టియర్ గ్యాస్ కారణంగా చాలా ఇబ్బంది పడ్డామని, ఇంతలోనే కాల్పులు జరిపారని ఆమె తెలిపారు. మంగళవారం సిఎన్‌ఎన్‌కి ఇచ్చిన ప్రత్యక ఇంటర్వ్యూలో దేశ వివాదాస్పద ఆర్థిక బిల్లుకు వ్యతిరేకంగా నిరసన తెలుపుతూ ఆమె కంటతడి పెట్టారు.
Share
Congress on PM Modi: దేశమంతా లీకులు, వీక్‌లే.. మోదీపై తిరుగుబాటు మొదలు..!
Taliban Thanks to BCCI: సెమీస్‌కి అఫ్గాన్ జట్టు.. బీసీసీఐకి థ్యాంక్స్ చెప్పిన తాలిబన్లు!
