Corona: కరోనా. ఈ పేరు వింటేనే ఒకప్పుడు చచ్చేంత పని అయ్యేది. జనం పిట్టల్లా రాలిపోయేవారు. కంటికి కనిపించని వైరస్‌తో.. శక్తికి మించిన యుద్దమే చేశారు. రెండేళ్లు వెంటాడి.. వేటాడి.. వైరస్ కనుమరుగైంది. వ్యాక్సిన్‌ ఎంతో ఊరటనిచ్చింది. ఇక, హమ్మయ్యా అనుకున్నారంతా. అడపాదడపా కరోనా కేసులంటూ కలకలం రేపినా.. జనాలు పట్టించుకోవడం మానేశారు. కొవిడ్‌ను లైట్ తీసుకున్నారంతా.
కొత్త వేరియంట్‌లు వస్తూనే ఉన్నాయి.. పోతునూ ఉన్నాయి. అక్కడక్కడా కేసులు నమోదవుతూనే ఉన్నాయి. ప్రజలన భయపెట్టేంతలా మాత్రం లేదు పరిస్థితి. తాజాగా అమెరికాలో కరోనా కొత్త వేరియంట్ కనిపించింది. దానికి BA.2.86 గా పేరు పెట్టారు. యూఎస్‌తో పాటు డెన్మార్క్‌, ఇజ్రాయెల్‌లోనూ కొత్త కేసులు నమోదవుతున్నాయి.
అమెరికా వ్యాధి నియంత్రణ కేంద్రం-CDC వెంటనే అలర్ట్ అయింది. కొత్త వేరియంట్‌పై కంప్లీట్‌గా స్టడీ చేస్తోంది. అటు, ప్రపంచ ఆరోగ్య సంస్థ-WHO కూడా స్పందించింది. ‘వేరియంట్ అండర్‌ మానిటరింగ్‌’గా తెలిపింది.
మనుషులపై కొత్త వేరియంట్ దాడి చేసే తీవ్రత, వ్యాప్తి చెందే తీరుపై త్వరలోనే పూర్తి సమాచారం వెల్లడిస్తామని ప్రకటించింది. ఏ వేరియంట్ అయినా కరోనా నుంచి రక్షణకు తీసుకోవాల్సిన జాగ్రత్తల్లో ఎలాంటి మార్పు లేదని సూచించింది.
Share
BRS news today : జనగామలో రెడ్ల పంచాయితీ.. అసలేం జరుగుతోంది? ఫుల్ డీటైల్స్
JC: జేసీ ఇంటి దగ్గర హైటెన్షన్.. ప్రభుత్వ పనులతో ఉద్రిక్తత..
