Rawalakot Protests: పాక్ ఆక్రమిత కాశ్మీర్ (PoK) లోని రావలకోట్ ఇప్పుడు అట్టుడుకుతోంది. జాయింట్ అవామీ యాక్షన్ కమిటీ (JAAC) ఆధ్వర్యంలో స్థానికులు చేపట్టిన నిరసనలు కాస్తా హింసాత్మకంగా మారాయి. పెరిగిన విద్యుత్ ఛార్జీలు, నిత్యావసర వస్తువుల ధరలకు వ్యతిరేకంగా ప్రజలు రోడ్లపైకి వచ్చి తమ ఆగ్రహాన్ని వెళ్లగక్కుతున్నారు. ఈ క్రమంలో నిరసనకారులకు, భద్రతా బలగాలకు మధ్య జరిగిన ఘర్షణలు తీవ్ర ఉద్రిక్తతలకు దారితీశాయి.
పరిస్థితిని అదుపు చేయడానికి బలగాలు జరిపిన కాల్పుల్లో నలుగురు భద్రతా సిబ్బందితో పాటు ఏడుగురు పౌరులు ప్రాణాలు కోల్పోయినట్లు ప్రాథమిక సమాచారం అందుతోంది. అయితే, క్షేత్రస్థాయిలో పరిస్థితి ఇంతకంటే దారుణంగా ఉందనే అనుమానాలు వ్యక్తమవుతున్నాయి. అక్కడ ఇంటర్నెట్, మొబైల్ సేవలను పూర్తిగా నిలిపివేయడంతో ఖచ్చితమైన సమాచారం బయటకు రావడం లేదు.
ఇదే తరుణంలో సోషల్ మీడియాలో ఒక కలవరపెట్టే వార్త హల్చల్ చేస్తోంది. ఈ ఘర్షణల్లో ఏకంగా 150 మందికి పైగా మరణించారంటూ నెటిజన్లు పోస్టులు పెడుతున్నారు. ఐతే, కమ్యూనికేషన్ బ్లాక్అవుట్ వల్ల ఈ నెంబర్ను అధికారికంగా ఎవరూ ధృవీకరించలేదు. ప్రభుత్వం మాత్రం పరిస్థితి అదుపులోనే ఉందని చెప్తున్నా, స్థానికుల్లో భయాందోళనలు స్పష్టంగా కనిపిస్తున్నాయి. ఒక చిన్న నిరసన ఇంతటి అల్లర్లకు దారితీయడం అక్కడ నెలకొన్న తీవ్ర అసంతృప్తికి అద్దం పడుతోంది.
రావలకోట్లో రగడ.. 150 మంది మృతి?
పాక్ ఆక్రమిత కాశ్మీర్లోని రావలకోట్లో జాయింట్ అవామీ యాక్షన్ కమిటీ (JAAC) నిరసనకారులు, భద్రతా బలగాల మధ్య తీవ్ర ఘర్షణలు చోటుచేసుకున్నాయి. విద్యుత్ చార్జీలు, నిత్యావసరాల ధరల పెంపుపై ఆగ్రహంతో ఈ నిరసనలు మిన్నంటాయి. కాల్పుల్లో నలుగురు భద్రతా సిబ్బంది,… pic.twitter.com/1CQJ8ynEjV
— ChotaNews App (@ChotaNewsApp) June 9, 2026
Share
స్టీల్ప్లాంట్ ఘటన.. తిరుపతి కూటమి సభ వాయిదా, విశాఖకు డిప్యూటీ సీఎం పవన్, మంత్రి లోకేష్
96 ఏళ్ల నిరీక్షణకు ఫలితం.. వీరాభిమాని కోరిక తీర్చిన సీఎం చంద్రబాబు, 10 నిమిషాల సేపు
