Shubhanshu Shukla : శుభాంశు శుక్లా అంతరిక్షం నుంచి భూమికి సురక్షితంగా తిరిగొచ్చారు. శుక్లాతో పాటు మరో ముగ్గురు వ్యోమగాములు సేఫ్‌గా ల్యాండ్ అయ్యారు. వాళ్లు ప్రయాణించిన క్యాప్సుల్ కాలిఫోర్నియా సమీపంలో పసిఫిక్‌ మహాసముద్రంలో స్ప్లాష్‌ డౌన్‌ అయింది. శుక్లా రిటర్న్స్ తో ఆయన కుటుంబ సభ్యుల్లో ఆనందం వెల్లివిరిసింది. ఈ ప్రయాణానికి భారతీయులంతా గర్వపడుతున్నారు.
శుభాంశు శుక్లా ఇంటర్నేషనల్‌ స్పేస్ స్టేషన్‌ లో 18 రోజులు ఉన్నారు. జూన్ 26న సాయంత్రం నాలుగున్నరకు ISSతో డాకింగ్ చేశారు. శుభాంశు యాక్సియం-4 మిషన్‌లో భాగంగా జూన్ 25న స్పేస్‌ఎక్స్ ఫాల్కన్-9 రాకెట్ ద్వారా అంతర్జాతీయ అంతరిక్ష కేంద్రానికి వెళ్లారు. ఈ మిషన్ ఇస్రో, నాసా- యాక్సియం స్పేస్ సంస్థల సహకారంతో జరిగింది. శుక్లా ఈ మిషన్‌కు పైలట్‌గా వ్యవహరించారు.
ISSలో దీర్ఘకాల అంతరిక్ష ప్రయాణాలకు సంబంధించిన శాస్త్రీయ పరిశోధనలు నిర్వహించడానికి శుభాంశు శుక్లా వెళ్లారు. అతను 7 కీలక ప్రయోగాలు చేపట్టారు. మైక్రోగ్రావిటీలో ఎముకలు, కండరాలు, గుండె, రక్తనాళాలు, రోగనిరోధక వ్యవస్థపై ఎలాంటి ప్రభావం ఉంటుందో అధ్యయనం చేశారు. మొక్కల పెరుగుదలపై మైక్రోగ్రావిటీ ప్రభావం, కఠిన పరిస్థితుల్లో జీవించగల సూక్ష్మజీవులైన వాటర్ బేర్స్‌పై ప్రయోగాలు, జీవనాధార వ్యవస్థలు, పోషకాహారం సంబంధిత అధ్యయనాల్లో శుభాంశు పార్టిసిపేట్ చేశారు. వెళ్లిన పనిని సక్సెస్‌ఫుల్‌గా కంప్లీట్ చేసి సురక్షితంగా భూమికి తిరిగొచ్చారు. ఆగస్టు 17న ఇండియాను రానున్నారు. 1984లో వింగ్ కమాండర్ రాకేష్ శర్మ చారిత్రాత్మక అంతరిక్షయానం తర్వాత.. మళ్లీ అంతటి ఖ్యాతి శుభాంశు శుక్లాకే దక్కింది.
శుభాన్షు శుక్లాకు స్వాగతం పలుకుతూ ప్రధాని మోదీ ఎక్స్‌లో పోస్ట్ పెట్టారు. శుక్లా తన అంకితభావం, ధైర్యం, మార్గదర్శక స్ఫూర్తి ద్వారా బిలియన్ల కలలను ప్రేరేపించారని అన్నారు. ఇది భారత్ సొంతంగా చేపట్టబోయే.. మానవ అంతరిక్ష విమాన మిషన్ – “గగన్‌యాన్” వైపు మరో మైలురాయిగా నిలుస్తుందని అభిప్రాయపడ్డారు మోదీ.
I join the nation in welcoming Group Captain Shubhanshu Shukla as he returns to Earth from his historic mission to Space. As India’s first astronaut to have visited International Space Station, he has inspired a billion dreams through his dedication, courage and pioneering…
— Narendra Modi (@narendramodi) July 15, 2025
Share
KritiSanon: ప్రియుడుతో సెల్ఫీలకు ఫోజులు ఇచ్చిన ప్రభాస్ బ్యూటీ... రూమర్స్ నిజమేనా?
Vande Bharat Bullet Train: జపాన్ బుల్లెట్ ట్రైన్ ఔట్? వందే భారత్ ఇన్.. కిర్రాక్ న్యూస్ అంటే ఇదేనేమో!
