Dawood Ibrahim: భారత్ మోస్ట్ వాంటెడ్ లిస్టులో ఉన్న దావూద్ ఇబ్రహీం.. తీవ్ర అస్వస్థతకు గురైనట్లు తెలుస్తోంది. ప్రస్తుతం.. అండర్‌వరల్డ్ మాఫియా డాన్ దావూద్ ఇబ్రహీం..ఆస్పత్రిలో ఉన్నట్లు సమాచారం. ఆయన వయసు 67 సంవత్సరాలు ఉంటుందని తెలుస్తోంది. పాకిస్తాన్ కరాచీలోని ఓ ఆస్పత్రిలో రెండ్రోజుల క్రితమే దావూద్ ఇబ్రహీం అడ్మిట్ అవ్వగా.. అత్యంత కట్టుదిట్టమైన భద్రతలో ఆయనకు చికిత్స చేస్తున్నట్లు సమాచారం.
దావూద్ కు చికిత్స చేస్తున్న ఫ్లోర్ లో ఆయనొక్కడే పేషంట్ గా ఉన్నట్లు సమాచారం. ఆస్పత్రిలో వైద్యులు, కుటుంబ సభ్యులు మాత్రమే ఆ ఫ్లోర్ కు అనుమతిస్తున్నట్లు జాతీయ మీడియాలో కథనాలు వచ్చాయి. కాగా.. దావూద్‌పై విష ప్రయోగం జరిగినట్టుగా సోషల్ మీడియాలో ప్రచారం జరుగుతోంది. ఆయన సహాయకుడు మాత్రం దీనికి సంబంధించిన వివరాలేవీ చెప్పట్లేదు. ముంబై పోలీసులు ఈ విషయంపై మరింత సమాచారాన్ని సేకరించే పనిలో పడ్డారు. దావూద్ బంధువులైన అలీషా పార్కర్, సాజిద్ వాగిల్ ను ఆరా తీస్తున్నట్లు తెలుస్తోంది. దావూద్ ఇబ్రహీం ముంబై పేలుళ్లు, డ్రగ్ మాఫియా సహా అనేక నేరాలకు పాల్పడ్డాడు.
.
.
Share
BiggBoss7 Winner: అడుగడుగునా అవమానాలు.. బిగ్ బాస్7 విజేతగా రైతుబిడ్డ పల్లవి ప్రశాంత్
India Covid Cases: భారత్ లో కోవిడ్ ప్రకంపనలు.. అప్రమత్తంగా ఉండాలన్న డబ్ల్యూహెచ్ఓ
