BiggBoss7 Winner: కామన్ మెన్ గా బిగ్ బాస్ సీజన్ 7లో బిగ్ హౌస్ లోకి అడుగుపెట్టిన రైతుబిడ్డ పల్లవి ప్రశాంత్ చరిత్ర సృష్టించాడు. ఆరు సీజన్లు, ఒక ఓటీటీ సీజన్ లో సెలబ్రిటీలే విజేతలవ్వగా.. మొదటిసారి ఒక కామన్ మెన్ బిగ్ బాస్ కప్పు గెలిచి.. బిగ్ బాస్ హిస్టరీలోనే రికార్డులకెక్కాడు. బిగ్ బాస్ 7 మొదలవ్వక ముందు పల్లవి ప్రశాంత్ అంటే ఎవరో చాలా మందికి తెలియదు. సోషల్ మీడియాలో.. “అన్నా మల్లొచ్చినా.. అన్నా రైతుబిడ్డనన్నా.. నన్ను బిగ్ బాస్ లోకి తీసుకోండన్నా” అంటూ వీడియోలు చేయగా.. అవి వైరల్ అయ్యాయి. మొత్తానికి బిగ్ బాస్ 7లోకి బియ్యం మూటతో అడుగుపెట్టిన పల్లవి ప్రశాంత్ ను చూసి.. చాలా మందిని చూశాం.. ఇతను ఎన్నిరోజులుంటాడో చూద్దాం అని అనుకున్నవాళ్లే ఎక్కువ.
పల్లవి ప్రశాంత్ విన్నర్ అవ్వడం అసాధ్యమనుకున్నవారంతా.. ఫినాలే రోజు ఆశ్చర్యపోయారు. రైతు బిడ్డ ట్యాగ్ తో సెంటిమెంట్ క్రియేట్ అయినా.. హౌజ్ లో తన ఆటతీరుతో అందరినీ ఆకట్టుకున్నారు. మధ్యలో ప్రేమ పేరుతో కంటెస్టంట్ ఇబ్బంది పెట్టినా.. క్షమించాడు. తనను మిగతా కంటెస్టంట్స్ తక్కువగా చూసినా బిగ్ బాస్ ఇచ్చిన గేమ్స్, టాస్కుల్లో యాక్టివ్ గా పార్టిసిపేట్ చేశాడు. పరుషపు మాటలతో మనసును గాయపరిచినా.. లక్ష్యంపై అతని దృష్టి మాత్రం చెదిరిపోలేదు.
ఫినాలే దగ్గరికొస్తున్న కొద్దీ పల్లవి ప్రశాంత్ పై ఇతర పీఆర్ టీమ్స్ నెగిటివ్ గా ప్రచారం చేసే ప్రయత్నం చేశాయి. అతనికి ఆల్రెడీ పెళ్లైందని, కోట్ల ఆస్తులున్నాయని ప్రచారం జరిగినా.. అవేవీ అతని విజయాన్ని అడ్డుకోలేకపోయాయి. బిగ్ బాస్ సీజన్ 7 విజేతగా.. కప్ ను రూ.35 లక్షల ప్రైజ్ మనీతో పాటు, ఖరీదైన మారుతీ బ్రెజా కారు సొంతం చేసుకున్నాడు. టైటిల్ విన్నర్ గా బయటికొచ్చిన పల్లవి ప్రశాంత్ కు శుభాకాంక్షలు వెల్లువెత్తుతున్నాయి.
Share
Big Boss 7 Telugu : రెచ్చిపోయిన ప్రశాంత్ అభిమానులు.. ఆర్టీసీ బస్సు ధ్వంసం.. అమర్ దీప్ కారుపై దాడి!
Dawood Ibrahim: ఆస్పత్రిలో దావూద్ ఇబ్రహీం.. ఏం జరిగింది ?
