Thailand: షాకింగ్.. భర్తను ప్రేయసికి లీజుకు ఇచ్చిన భార్య.. నెలకు రేటు ఎంతో తెలుసా?

Thailand: థాయ్‌లాండ్‌లో జరిగిన ఈ విచిత్రమైన ఉదంతం చూస్తుంటే “నిజం కల్పన కంటే వింతైనది” అనే మాట అక్షరాలా నిజమనిపిస్తుంది. సినిమా కథలను మించిన ఈ రియల్ స్టోరీలో ఆసక్తికరమైన అంశాలు చూస్తే..

వింత ఒప్పందం.. ప్రేయసికి భర్త ‘లీజు’!
పదేళ్ల వైవాహిక బంధం, అన్యోన్యంగా సాగిపోతున్న సంసారం.. కానీ అనూహ్యంగా భర్త మరో మహిళతో ప్రేమలో పడ్డాడని తెలిస్తే ఏ భార్య అయినా కుప్పకూలిపోతుంది. కానీ థాయ్‌లాండ్‌కు చెందిన ఖున్ క్వాంగ్‌ మాత్రం తన బాధను పక్కన పెట్టి, ఒక ప్రాక్టికల్ ఆలోచన చేసింది. భర్త తనను మోసం చేశాడని ఏడవడమో, విడాకులు ఇచ్చి వెళ్లిపోవడమో చేయకుండా, అతని ప్రేయసికే తన భర్తను ‘అద్దె’కు ఇస్తానని బంపర్ ఆఫర్ ప్రకటించి అందరినీ ఆశ్చర్యపరిచింది.

తన భర్తకు, అతని ప్రియురాలికి మధ్య ఉన్న బంధం కేవలం ఒక వ్యామోహం కాదని, వారు ఒకరిని విడిచి ఒకరు ఉండలేమని చెప్పడంతో క్వాంగ్‌ ఈ నిర్ణయానికి వచ్చింది. గొడవలు పడి జీవితాన్ని పాడుచేసుకోవడం కంటే, ఈ పరిస్థితిని తనకి అనుకూలంగా మార్చుకోవాలని ఆమె భావించింది. అందుకే, తన భర్తను తనతోనే ఉంచుకుంటూ, వారంలో కొన్ని రోజులు అతనితో గడపడానికి ఆ ప్రేయసి నుండి నెలకు దాదాపు రూ.85,000 (సుమారు 30,000 థాయ్ బాట్) అద్దెగా డిమాండ్ చేసింది.

ఈ ప్రతిపాదన వినగానే ఎవరైనా షాక్ అవుతారు, కానీ ఆశ్చర్యకరంగా సదరు ప్రేయసి ఈ ‘లీజు’ ఒప్పందానికి వెంటనే గ్రీన్ సిగ్నల్ ఇచ్చేసింది. డబ్బులు చెల్లించి అయినా సరే తన ప్రియుడిని అధికారికంగా పొందేందుకు ఆమె సిద్ధపడింది. దీనికి తోడు, భర్తతో కలిసున్న సమయంలో అతనికి అవసరమైన సపర్యలు చేయడం, ఇంటి పనుల్లో సాయం చేయడం వంటి అదనపు షరతులకు కూడా ఆమె అంగీకరించడం గమనార్హం.

అయితే కథ ఇక్కడే అడ్డం తిరిగింది! భార్య, ప్రేయసి ఇద్దరూ కలిసి ఒక డీల్ కుదుర్చుకుంటే, అసలు కథానాయకుడైన భర్త మాత్రం దీనికి ససేమిరా అన్నాడు. తనను ఒక వస్తువులాగా అద్దెకు ఇవ్వడమేంటని అతను అభ్యంతరం వ్యక్తం చేశాడు. తన తప్పును ఒప్పుకుంటూనే, ఇలాంటి ‘లీజు’ ఒప్పందంలో భాగస్వామి కావడానికి మనస్కరించక అతను ఆ ప్రతిపాదనను తిరస్కరించాడు. దీంతో ఈ వింత వ్యవహారం సోషల్ మీడియాలో హాట్ టాపిక్‌గా మారింది.

Also Read: ఇజ్రాయెల్ పీఎం నెతన్యాహు.. నేను బతికే ఉన్నాను, ఇదిగో ఎవిడెన్స్ అంటూ వీడియో పోస్ట్

ప్రస్తుతం ఈ వార్త అంతర్జాతీయంగా వైరల్ అవుతోంది. భార్య తీసుకున్న ఈ నిర్ణయం తెలివైనదా లేక నైతికంగా తప్పా అనే చర్చ మొదలైంది. ఏది ఏమైనా, మోసం చేసిన భర్తను వదిలించుకోకుండా, అతని ద్వారానే ఆదాయం సంపాదించాలనే క్వాంగ్‌ ఆలోచన నెటిజన్లను విస్మయానికి గురిచేస్తోంది. బంధాల మధ్య డబ్బు, ఒప్పందాలు ప్రవేశిస్తే పరిస్థితులు ఎంత వింతగా ఉంటాయో చెప్పడానికి ఈ థాయ్‌లాండ్ ఘటనే ఒక ఉదాహరణ.

Join WhatsApp Channel

Share

• 
• 
• 
• 
• 
•