Toddler shoots gun: ఇంట్లో తన తండ్రి దాచిపెట్టిన తుపాకీ చూసిన మూడేళ్ల పసివాడు.. దాంతో ఆడుకుంటూ తనను తాను కాల్చుకున్నాడు. పిల్లాడిని కాపాడేందుకు అతని తండ్రి ప్రయత్నించే లోపే ఆ పసి ప్రాణాలు గాల్లో కలిసిపోయాయి. ఈ హృదయ విదారక ఘటన అమెరికాలోని లూసియానాల రాష్ట్రంలో బుధవారం జరిగింది.
పోలీసుల కథనం ప్రకారం.. ఇంట్లో ఆ పిల్లాడి తండ్రి తన తుపాకీని బెడ్ కింద ఓ బాక్సులో పెట్టాడు. పిల్లాడు ఆడుకుంటూ ఆ బాక్సు తెరిచి చూశాడు. అయితే ఆ గన్‌ని పిల్లాడి తండ్రి లాక్ చేయడం మరిచిపోయాడు. పైగా అందులో బుల్లెట్లు కూడా ఉన్నాయి. ఆ బరువుగా తుపాకీని పిల్లాడు అటు ఇటు తిప్పుతూ తన ముఖంవైపే గురిపెట్టి ట్రిగ్గర్ నొక్కాడు. అంతే తుపాకీ పేలిన శబ్దం విని.. ఇంట్లో ఉన్న అతని తల్లిదండ్రులు పరిగెత్తు కుంటూ అక్కడికి చేరుకున్నారు.
పిల్లాడిని రక్తపు మడుగులో చూసి సహాయం కోసం 911 ఎమర్జెన్సీకి ఫోన్ చేశారు. కానీ పిల్లాడు స్పాట్ లోనే చనిపోయినట్లు డాక్టర్లు చెప్పారు. పోలీసులు పిల్లాడి తండ్రి నిర్లక్ష్యం వల్లే ఈ ఘటన జరిగిందని కేసు నమోదు చేశారు.
Also Read: యెమెన్‌పై విరుచుకుపడిన ఇజ్రాయెల్‌.. 39 మంది పాలస్తీనియన్లు మృతి
ఇలాంటిదే మరో ఘటన గత నెల అలబామాలో జరిగింది. అప్పుడు కూడా ఓ మూడేళ్ల పిల్లాడు తన తండ్రి కారులో ఉన్న తుపాకీ తీసుకొని ఆడుకుంటూ కాలి వైపు తుపాకీ పెట్టి ట్రిగ్గర్ నొక్కాడు. పిల్లాడి కాలు ఛిద్రం అయింది. ఆ తరువాత పిల్లాడిని ఆస్పత్రికి తరలించగా.. డాక్టర్లు అతని ఆపరేషన్ చేశారు.
లూసియానాలోనే మంగళవారం కూడా ఇలాంటి మరో ఘటన జరిగింది. 15 ఏళ్ల ఓ అమ్మాయిని తన బంధువుల ఇంటికి వెళ్లినప్పుడు అక్కడ ఓ వ్యక్తి పొరపాటున తుపాకీ ట్రిగ్గర్ నొక్కాడు. అంతే ఆ తుపాకీ బుల్లెట్ ఎదురుగా ఉన్న అమ్మాయికి తగిలింది. అమ్మాయి ఆస్పత్రిలో చికిత్స పొందుతూ చనిపోయింది.
తుపాకీ ప్రమాదాలు అమెరికా తరుచూ జరుగుతూనే ఉన్నాయి. ఈ తుపాకీ సంస్కృతికి వ్యతిరేకంగా కొంత మంది పోరాడినా.. అక్కడ రాజ్యంగం ప్రకారం…ప్రతి ఒక్కరూ తుపాకీ కలిగి ఉండే హక్కు ఉంది.ఈ నియమం వల్ల అమెరికాలో ప్రతి ఇంట్లో తుపాకులుంటాయి. దీని వల్ల జరిగే ప్రమాదాల దృష్ట్యా అక్కడి రాష్ట్ర ప్రభుత్వాలు కఠిన చట్టాలు తీసుకువచ్చినా ప్రమాదాలు జరుగుతూనే ఉన్నాయి.
గత మే నెలలో ఓ నాలుగేళ్ల బాలుడు.. మిషిగాన్ లో ఇంట్లో తుపాకీతో ఆడుకుంటూ తలలో కాల్చుకున్నాడు. అంతే వెంటనే అతను చనిపోయాడు. పిల్లాడి తండ్రి, మరో ముగ్గురిని తుపాకీ నిర్లక్ష్యం కేసులో పోలీసులు అరెస్టు చేశారు.
Share
Tatikonda Rajayya:వాహనం వదిలి పరారయిన మాజీ ఎమ్మెల్యే రాజయ్య..అందుకేనా?
Olympic Games Paris 2024: పారిస్ ఒలింపిక్స్.. పండుగ వచ్చేస్తోంది
