United Airlines Flight Loses Tire in Air: ఊడిపడిన టైరు.. గాల్లో 235 మంది ప్రాణాలు.. ఆ తర్వాత ఏం జరిగింది..?

Tire Falls off After Plane Takeoff: ఫ్లైట్ టేకాఫ్ అయిన కొద్దిసేపటికే దాని టైరు ఊడిపడిపోయింది. ఆ సమయంలో విమానంలో 235 మంది ప్రయాణికులు, 14 మంది సిబ్బంది ఉన్నారు. అమెరికాలోని ప్రముఖ విమానయాన సంస్థ యునైటెడ్ ఎయిర్ లైన్స్ కు చెందిన ఒక విమానానికి జరిగిన ప్రమాదం ఇది. పైలట్లు అప్రమత్తమవ్వడంతో.. తృటిలో పెనుప్రమాదం తప్పినట్లయింది. టైరు ఊడిపడటాన్ని గమనించిన పైలట్లు అప్రమత్తమై.. ఫ్లైట్ ను దారిమళ్లించి ఎమర్జెన్సీ ల్యాండింగ్ చేశారు.

వివరాల్లోకి వెళ్తే.. యునైటెడ్ ఎయిర్ లైన్స్ కు చెందిన బోయింగ్ 777-200 విమానం స్థానిక కాలమానం ప్రకారం గురువారం ఉదయం శాన్ ఫ్రాన్సిస్కో అంతర్జాతీయ విమానాశ్రయం నుంచి జపాన్ లోని ఒసాకాకు బయల్దేరింది. టేకాఫ్ అయిన కొద్దిసేపటికే వెనుకవైపున ల్యాండింగ్ గేర్ లో టైర్ ఊడిపోయింది. ఆ టైర్ విమానాశ్రయంలో పార్కింగ్ లాట్ లో ఉన్న వాహనాలపై పడటంతో అవి దెబ్బతిన్నాయి. దీంతో వాహనం తీవ్రంగా ధ్వంసమైంది.

It seems like we are seeing at least one plane incident a week at this point.

United Airlines Boeing 777 loses tire while taking off crushing multiple cars on the ground

Forced emergency landing after losing one or two tires during takeoff from San Francisco en route to Osaka pic.twitter.com/UIloq7c6nC

— PatriotJuls 1776 (@JRColbert1) March 8, 2024

ఫ్లైట్ టైర్ ఊడిందన్న విషయాన్ని గుర్తించిన పైలట్లు విమానాన్ని వెంటనే దారిమళ్లించి లాస్ ఏంజిల్స్ ఎయిర్ పోర్టులో ఎమర్జెన్సీ ల్యాండింగ్ చేశారు. ఫ్లైట్ సురక్షితంగా ల్యాండ్ అయిందని, అందులోని ప్రయాణికులను మరో విమానంలో గమ్యస్థానానికి పంపామని ఎయిర్ పోర్టు వర్గాలు వెల్లడించాయి. కాగా.. బోయింగ్ 777 విమానాలలో 2 ల్యాండింగ్ గేర్లకు 6 టైర్లు ఉంటాయి. చక్రాలు ఊడినా, డ్యామేజ్ అయినా విమానం సేఫ్ గా ల్యాండ్ అయ్యేలా ఈ మోడల్ ను డిజైన్ చేశారు. ఘటనపై ఫెడరల్ ఏవియేషన్ అడ్మినిస్ట్రేషన్ అధికారులు దర్యాప్తు చేపట్టారు.