Canada: కెనడా గగనతలంలో గుర్తుతెలియని వస్తువు కలకలం.. కూల్చేసిన అమెరికా ఫైటర్ జెట్

Canada: అగ్రరాజ్యం అమెరికాలో ఇటీవల స్పై బెలూన్ కలకలం రేపిన విషయం తెలిసిందే. తాజాగా కెనడా గగన తలంలో అనుమానాస్పదంగా మరో వస్తువు కనిపించింది. దీంతో అమెరికా, కెనడా సైనికులు సంయుక్తంగా ఆపరేషన్ చేపట్టి యుద్ధవిమానంతో ఆ వస్తువును కూల్చివేశారు. యూఎస్‌కు చెందిన ఎఫ్-22 ఫైటర్ జెట్ విమానంతో అలస్కా సరిహద్దుల్లోని యూకాన్ ప్రాంతంలో నేలమట్టం చేశారు.

కెనడా ప్రధాని జస్టిన్ ట్రూడో ఆమోదం మేరకే దానిని కూల్చివేసినట్లు శ్వేతసౌధం వెల్లడించింది. ప్రస్తుతం అధికారులు ఆ వస్తువుకు సంబంధించిన శకలాలను సేకరించి దాన్ని విశ్లేషించే పనిలో ఉన్నారని తెలిపింది. ఈ ఘటనకు ముందు అలస్కా తీరప్రాంతంలో గుర్తుతెలియని వస్తువును అమెరికా రక్షణ శాఖ కూల్చేసింది. అధ్యక్షుడు జో బైడెన్ ఆదేశాల మేరకు దానిని నేటమట్టం చేసింది.

Share

• 
• 
• 
• 
• 
•