దేశీయ బ్యాంకింగ్ దిగ్గజం ఇండస్ట్రియల్ డెవలప్మెంట్ బ్యాంక్ ఆఫ్ ఇండియా (IDBI) నిరుద్యోగులకు తీపి కబురు అందించింది. 2026-27 ఆర్థిక సంవత్సరానికి సంబంధించి భారీ స్థాయిలో ఉద్యోగాల భర్తీ చేపట్టింది. ఈ మేరకు 1,300 ఖాళీల భర్తీ కోసం అధికారికంగా షార్ట్ ప్రకటన విడుదల చేసింది. వీటిలో అసిస్టెంట్ మేనేజర్ (గ్రేడ్-ఏ) తో పాటు జూనియర్ అసిస్టెంట్ మేనేజర్ (గ్రేడ్-ఓ) పోస్టులు ఉన్నాయి.
పోస్టుల వివరాలు..
ఈ నోటిఫికేషన్ ద్వారా మొత్తం 1,300 ఉద్యోగాలను భర్తీ చేయనున్నారు. వీటిలో 200 అసిస్టెంట్ మేనేజర్ గ్రేడ్-ఏ పోస్టులు ఉండగా.. మిగిలిన 1,100 పోస్టులు జూనియర్ అసిస్టెంట్ మేనేజర్ గ్రేడ్ ‘ఓ’ కేటగిరీకి చెందినవి. బ్యాంకింగ్ రంగంలో స్థిరపడాలనుకునే యువతకు ఇది ఒక అద్భుతమైన అవకాశంగా నిపుణులు పేర్కొంటున్నారు.
విద్యార్హతలు:
ఏదైనా గుర్తింపు పొందిన విశ్వవిద్యాలయం నుంచి డిగ్రీ ఉత్తీర్ణులైన అభ్యర్థులు ఈ ఉద్యోగాలకు దరఖాస్తు చేసుకోవడానికి అర్హులు అవుతారు.
ఉద్యోగ ఎంపిక ప్రక్రియ:
అభ్యర్థుల ఎంపిక ప్రక్రియ పూర్తిగా పారదర్శకంగా సాగనుంది. తొలుత ఆన్లైన్ పరీక్ష నిర్వహిస్తారు. ఇందులో ప్రతిభ కనబరిచిన వారిని ఇంటర్వ్యూలకు పిలుస్తారు. ఈ రెండు దశల్లో సాధించిన మార్కుల ఆధారంగా తుది నియామకాలు చేపడతారు.
ముఖ్యమైన తేదీల వివరాలు:
అర్హత ఉన్న అభ్యర్థులు ఆన్లైన్ ద్వారా దరఖాస్తు చేసుకోవాల్సి ఉంటుంది. దరఖాస్తు ప్రక్రియ మార్చి 8వ తేదీన ప్రారంభమవుతుంది. దరఖాస్తు చేసుకోవడానికి మార్చి 19 చివరి తేదీగా నిర్ణయించారు.
గడువు తక్కువగా ఉన్నందున ఆసక్తి గల అభ్యర్థులు ముందే సిద్ధం కావాలని బ్యాంక్ వర్గాలు సూచించాయి. మరిన్ని వివరాల కోసం ఐడీబీఐ అధికారిక వెబ్సైట్ను సందర్శించవచ్చు.
అఫీషియల్ వెబ్ సైట్: https://www.idbi.bank.in/
ALSO READ: DSSSB Recruitment: అక్షరాల రూ.1,51,000 జీతం.. డిగ్రీ అర్హతతో భారీగా జాబ్స్, పూర్తి వివరాలు ఇవే..
Share
Uttam Kumar Reddy: ఉమ్మడి మహబూబ్నగర్ జిల్లా సాగునీటి ప్రాజెక్టులపై మంత్రి ఉత్తమ్ కుమార్ రెడ్డి కీలక సమీక్ష.. ఎప్పుడంటే?
Virosh: గ్లోబల్ రికార్డ్ క్రియేట్ చేసిన విరోష్.. ఆ టాప్ ప్లేయర్స్ రికార్డు బద్దలైంది!
