GPT 3:కృత్రిమ మేధస్సు అనేది పరిశోధనల నుండి రోజూవారి టెక్నాలజీలోకి కూడా వచ్చేసింది. ఇప్పుడు దానిని సాధారణ యూజర్లు కూడా యాక్సెస్ చేసేలా అందుబాటులోకి వచ్చింది. అందుకే యూజర్లకు ఏ మాత్రం అంతరాయం కలగకుండా ఎప్పటికప్పుడు దానిని అప్డేట్ చేసేలా చూస్తున్నారు టెక్ నిపుణులు. తాజాగా మరో అప్డేట్‌తో ఆర్టిఫిషియల్ ఇంటెలిజెన్స్ (ఏఐ) సిద్ధంగా ఉంది.
లాంగ్వేజ్ మోడెల్స్‌కు గమనించడం కోసం ఆర్టిఫిషియల్ ఇంటెలిజెన్స్‌లో జీపీటీ 3 అనే ఫీచర్ ఉంది. ఇది మనుషులు చేసినట్టుగా మెసేజ్‌లను తయారు చేయగలదు. ఇప్పటికే డేటాతో ట్రెయినింగ్ అయిన ఏఐ.. మనం టైప్ చేసే పదాన్ని బట్టి తర్వాత పదాన్ని టైప్ చేసుకుంటుంది. కానీ ప్రతీ మోడల్‌లో ఇలాగే జరుగుతుందని టెక్ పరిశోధకులు హామీ ఇవ్వడం లేదు. అందుకే వారు ఓ కొత్త ఫీచర్‌ను తయారు చేయనున్నారు.
ఇన్ కాంటెక్స్ లెర్నింగ్ అనే లాంగ్వేజ్ మోడల్‌ను పరిశోధకులు డెవలప్ చేయనున్నారు. ఇందులో ఏఐకు కొన్ని ఉదాహరణలను చూపించడం వల్ల ఎక్కువ పదాలను అర్థం చేసుకునేలా వారు డిజైన్ చేస్తున్నారు. ఇందులో టాస్క్ విషయంలో ఎక్కువగా ట్రైనింగ్ తీసుకోవాల్సిన అవసరం ఏఐకు ఉండదు. కేవలం ఉదాహరణలతోనే వాటిని అర్థం చేసుకొని ఫంక్షన్ అవుతాయి. కానీ ఈ మోడల్‌ను నేర్చుకోవడానికి జీపీటీ 3కు కొత్త డేటా అవసరం ఉంటుంది.
పారామీటర్స్‌ను అప్డేట్ చేయకుండా లాంగ్వేజ్ మోడల్స్ నేర్చుకోవడం ఎలా అనేదానిపై పరిశోధకులు క్షుణ్ణంగా పరిశోధనలు చేయనున్నారు. ఏ విధంగా చూసినా.. ఇన్ కాంటెక్స్ లెర్నింగ్ అనేది సులువైన లాంగ్వేజ్ మోడల్ అని వారు భావిస్తున్నారు. త్వరలోనే లాంగ్వేజ్ మోడల్స్‌లో మరింత మెరుగ్గా ఏఐ యూజర్ల ముందుకు రానుందని వారు హామీ ఇస్తున్నారు. ఇప్పటికే ఏఐ అనేది టెక్నికల్ వరల్డ్‌లోకి తుఫానులాగా వచ్చేసింది. ఇక ఈ అప్డేట్స్ వల్ల త్వరలోనే అది మరో సంచలనాన్ని సృష్టించనుందని టెక్ ప్రియులు అనుకుంటున్నారు.
Share
Modi: ఎన్టీఆర్ ప్రభుత్వాన్ని పడగొట్టారు.. కాంగ్రెస్ పై మోదీ అటాక్.. ఆనాడు అసలేం జరిగింది?
Transgender Couple: పండంటి బిడ్డకు జన్మనిచ్చిన ట్రాన్స్‌జెండర్ కపుల్స్
