Ice making on earth : ప్రకృతిసిద్ధంగా పెరిగే ఎన్నో వనరులను కూడా కృతిమంగా తయారు చేస్తున్నారు శాస్త్రవేత్తలు. ఇలాంటివి కృత్రిమంగా తయారు చేసే వీలు ఉంటుందా అని ఆశ్చర్యపోయే క్రియేషన్స్ కూడా శాస్త్రవేత్తలు చేసి చూపించారు. తాజాగా నక్షత్ర మండలంలో దొరికే ఐస్‌ను కూడా వారు కృత్రిమంగా తయారు చేసి చూపించారు. ఇది మరికొన్ని పరిశోధనలకు కూడా ఉపయోగపడుతుందని వారు అంటున్నారు.
కాక్‌టెయిల్ షేకర్ లాంటి పరికరంతో శాస్త్రవేత్తలు ఒక కొత్త రకమైన ఐస్‌ను తయారు చేశారు. ఇది నక్షత్ర మండలంలో, చంద్రుడిపై దొరికే ఐస్‌లాంటిదని, ఇది నీటిపై చేసే పరిశోధనల్లో వాతావరణ మార్పులను సూచించడానికి ఉపయోగపడుతుందని వారు అంటున్నారు. బాల్ మిల్లింగ్ అనే ప్రక్రియతో కొంత ఐస్‌ను, స్టీల్ బాల్స్‌తో పాటు మైనస్ 200 డిగ్రీల సెల్సియస్ ఉష్ణోగ్రతతో షేక్ చేస్తే ఈ ఐస్ తయారయ్యిందని వారు బయటపెట్టారు. ఈ ఐస్‌ను అమార్ఫస్ ఐస్ అంటారని వారు తెలిపారు. ఇది చూడడానికి తెల్ల పౌడర్‌లాగా ఉంటుంది.
మామూలుగా ఐస్ క్రిస్టల్‌లాగా రెండు వాటర్ మాలిక్యూల్స్‌తో ఉంటుంది. అందులో రెండు హైడ్రోజన్ ఆటమ్స్, ఒక ఆక్సిజన్ ఆటమ్ ఒక ప్యాటర్న్‌లో అమర్చబడుంటాయి. కానీ కొత్తగా ఏర్పడిన అమార్ఫస్ ఐస్‌లో మాత్రం వాటర్ అనేది ఒక ప్యాటర్న్‌లో లేకుండా లిక్విడ్‌లాగా విడివిడిగా ఉన్నట్టుగా తెలుస్తోంది. మాలిక్యూల్స్ అనేవి ఎప్పుడూ ఒకేరకంగా ఏర్పడవు కాబట్టి ఐస్‌లో కూడా ఎన్నో రకాలు ఉంటాయని శాస్త్రవేత్తలు చెప్తున్నారు.
అంతరిక్షంలో కనిపించే లిక్విడ్.. అమార్ఫస్ ఐసే అని శాస్త్రవేత్తలు గుర్తించారు. దాదాపు ప్రపంచంలో ఉన్న ఐస్ మొత్తం ఏదో ఒక విధంగా అమార్ఫస్ ఐసే అని వారు చెప్తున్నారు. అమార్ఫస్ ఐస్‌ను తయారు చేయడానికి ఉపయోగపడిన బాల్ మిల్లింగ్ అనే ప్రక్రియ పలు పరిశ్రమల్లో పదార్థాలను గ్రైండ్ చేయడంలో ఉపయోగిస్తారు. ప్రస్తుతం శాస్త్రవేత్తలు తయారు చేసిన అమార్ఫస్ ఐస్ భూమిపైన మొదటిది అని వారు అభిప్రాయపడుతున్నారు. ఇప్పటివరకు ఎవరూ ఇలాంటి ఐస్‌ను భూమి మీద తయారు చేసినట్టుగా ఆధారాలు లేవన్నారు.
Share
Viveka Murder Case : త్వరలో నిజాలు బయటకు వస్తాయి.. అప్రూవర్ దస్తగిరి సంచలన వ్యాఖ్యలు..
Revanthreddy : రేవంత్ పాదయాత్రకు సర్వం సిద్ధం..అక్కడ నుంచే ప్రారంభం..
