J.D.Chakravarthy: జె.డి.చక్రవర్తి పరిచయమవసరం లేని పేరు. టాలీవుడ్ సినీ ఇండస్ట్రీలో హీరోగా ఎన్నో అద్భుతమైన సినిమాలలో నటించి ఎంతో మంది అభిమానులను సొంతం చేసుకున్న ఈయన ఇటీవల కాలంలో సినిమాలను కాస్త తగ్గించారు అయితే ప్రస్తుతం జె డి చక్రవర్తి పలు వెబ్ సిరీస్ లలోను అలాగే సినిమాలలో కూడా నటిస్తూ ఇప్పుడిప్పుడే కెరియర్ పరంగా బిజీ అవుతున్నారు. ఇదిలా ఉందిగా ఇటీవల ఒక ఇంటర్వ్యూలో పాల్గొన్న జెడి చక్రవర్తి ఇండస్ట్రీలో ఉన్నటువంటి సమస్యల గురించి అలాగే స్టార్ హీరోల కూతుర్ల గురించి ఈయన చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి.
జె.డి చక్రవర్తి ఏ విషయం గురించి అయినా ముక్కుసూటిగా మాట్లాడుతూ తన అభిప్రాయాలను తెలియపరుస్తూ ఉంటారు. ఈ నేపథ్యంలోనే ఒక ఇంటర్వ్యూలో పాల్గొన్న ఈయన తెలుగు సినిమా ఇండస్ట్రీలో హీరోయిన్లు ఎదుర్కొనే ఇబ్బందుల గురించి మాట్లాడుతూ చేసిన కామెంట్స్ వైరల్ అవుతున్నాయి. ఇండస్ట్రీలో ఎన్నో అన్యాయాలు జరుగుతున్నాయి కానీ అవి మాత్రం బయటకు రావడం లేదని తెలిపారు. ఇండస్ట్రీలో జరుగుతున్న ఈ అన్యాయాలు గురించి తెలిసిన వారు కూడా భయం కారణంగా వాటిని బయట పెట్టడం లేదని చక్రవర్తి తెలిపారు.
ఇలా ఇండస్ట్రీలో ఉన్న సమస్యల కారణంగానే అగ్ర హీరోలు అందరూ కూడా వారి కూతుర్లను ఇండస్ట్రీకి పంపడానికి వెనకడుగు వేస్తున్నారని జెడి చక్రవర్తి చేసిన ఈ కామెంట్స్ సంచలనగా మారాయి. ఇండస్ట్రీలో ఉండే సమస్యలు ఆడపిల్లల పట్ల ఉండే ధోరణి కారణంగానే స్టార్ హీరోల పిల్లలు ఇండస్ట్రీలోకి హీరోయిన్లుగా రావడం లేదని తెలిపారు. ఎంతోమంది తెలుగు అమ్మాయిలకు మంచి టాలెంట్ ఉన్నప్పటికీ కొన్ని నిబంధనలు కారణంగా అవకాశాలు కోల్పోతున్నారని తద్వారా పక్క రాష్ట్రాల వారికి అవకాశాలు వస్తున్నాయని తెలియజేశారు. ఇలా ఇండస్ట్రీలో ఉన్నటువంటి ఇబ్బందుల వల్ల స్టార్ డాటర్స్ హీరోయిన్లుగా కాకుండా నిర్మాతలుగా ఇతర రంగాలలో స్థిరపడుతున్న సంగతి తెలిసిందే.
క్యాస్టింగ్ కౌచ్ ఇబ్బందులు ఉన్నాయా?
జెడి చక్రవర్తి చేసిన ఈ కామెంట్స్ సోషల్ మీడియాలో వైరల్ గా మారడంతో అభిమానులు కూడా ఈ వ్యాఖ్యలపై స్పందిస్తూ.. ఇండస్ట్రీలో మహిళలు ఎన్నో ఇబ్బందులను ఎదుర్కొంటున్నారని అందుకే చిరంజీవి బాలకృష్ణ వెంకటేష్ , కృష్ణ అలాంటి స్టార్ హీరోలు అందరూ కూడా తమ పిల్లలను ఇండస్ట్రీలోకి అందుకే పంపించలేదా అంటూ సందేహాలను వ్యక్తపరుస్తున్నారు. ముఖ్యంగా ఇండస్ట్రీలో సెలబ్రిటీలు క్యాస్టింగ్ కౌచ్ ఇబ్బందులను ఎదుర్కొంటున్నారు. ఈ నేపథ్యంలోనే జెడి చక్రవర్తి అలాంటి కామెంట్స్ చేసి ఉంటారని తెలుస్తోంది.
Also Read: తల్లి కాబోతున్న కుంభమేళా మోనాలిసా.. పెళ్లయిన నెలకే? ఇదేం ట్విస్ట్ అయ్యా!
Share
భారత్ కు షాకిచ్చిన ఇరాన్.. గుజరాత్ వస్తున్న నౌక సీజ్
గందరగోళంలో జీహెచ్ఎంసీ ప్రధాన కార్యాలయం
