Ghee : నెయ్యి.. ఆరోగ్యంతో పాటు మంచి రుచి, వాసనని ఇస్తుంది. ఏదైనా కూర మంటగా ఉందంటే కొంచెం నెయ్యి వేస్తే అది కమ్మగా ఉంటుంది. కొందరు మాత్రం నెయ్యి తినేందుకు ఇష్టపడరు. ఆయుర్వేదం ప్రకారం కూడా నెయ్యి చాలా ఆరోగ్యకరమైనదని నిపుణులు అంటున్నారు. ఈ నెయ్యితో మ‌న‌కు అనేక లాభాలు ఉన్నాయి. ప్రతిరోజు ఉదయాన్నే ప‌ర‌గ‌డుపున 1 లేదా 2 టీస్పూన్ల నెయ్యి తాగ‌డం వల్ల అనేక ప్రయోజనాలు ఉంటాయని చెబుతున్నారు. దీంతో మన శ‌రీరంలోని చిన్న పేగులు తిన్న ఆహారంలోని పోష‌కాల‌ను సమ‌ర్థవంతంగా శోషించుకుంటాయి. ఈ నెయ్యిలో ఒమెగా 3 ఫ్యాటీ యాసిడ్లు అధికంగా ఉంటాయి. చెడు కొలెస్ట్రాల్‌ను త‌గ్గిస్తాయి. ఆవు నెయ్యిలో ఉండే యాంటీ ఆక్సిడెంట్లు శ‌రీరానికి హాని చేసే ఫ్రీ ర్యాడిక‌ల్స్‌ను అంతంచేస్తాయి. నెయ్యిని రెగ్యులర్‌గా తీసుకోవ‌డంతో వ‌య‌స్సు మీద ప‌డ‌డం వల్ల వ‌చ్చే మ‌తిమ‌రుపు త‌గ్గుతుంది. అంతేకాకుండా నెయ్యి మన శ‌రీరాన్ని దృఢంగా మారుస్తుంది. శ‌రీరంలోని వ్యర్థాల‌ను బ‌య‌ట‌కు పంపిస్తుంది. ఇందులో ఉండే విట‌మిన్ ఎ, డి, ఇ, కెలు రోగ నిరోధ‌క శ‌క్తిని బాగా పెంచుతాయి. అంతేకాకుండా మన చ‌ర్మం, వెంట్రుక‌ల‌ను కాపాడుతాయి. కీళ్లను దృఢంగా చేయడంలో నెయ్యి ఎంతగానో ఉపయోగపడుతుంది. నెయ్యి తీసుకోవ‌డం వల్ల బ‌రువు పెరుగుతార‌నే అపోహ ఉంది. కానీ రోజూ ఒకటి లేదా 2 చెంచాల వరకు నెయ్యి తింటే బ‌రువు త‌గ్గుతార‌ని ఆయుర్వేదంలో ఉంది. నెయ్యి కారణంగా శ‌రీరంలో మొండిగా పేరుకుపోయి ఉండే కొవ్వు క‌రుగుతుంది. మంచి కొలెస్ట్రాల్ స్థాయి బాగా పెరుగుతుంది. శ్వాస స‌మ‌స్యలు ఉంటే గ్లాసు గోరు వెచ్చని నీటిలో టీస్పూన్ ఆవు నెయ్యి క‌లుపుకుని తాగితే పొడి ద‌గ్గు త‌గ్గుతుంది. నెయ్యి తినడం వల్ల ర‌క్త స‌ర‌ఫ‌రా మెరుగుప‌డుతుంది. మ‌ల‌బ‌ద్దకం కూడా త‌గ్గుతుంది.
Share
FIFA World Cup : నాకౌట్కు పోర్చుగల్
Urinary Infection : యూరిన్‌లో ఇన్‌ఫెక్షన్‌ తగ్గించే చిట్కాలు
