E-Paper
Advertisement

జిగురు లేకుండా అచ్చం అమ్మమ్మ చేతి వంటలా బెండకాయ పులుసు.. వేడి వేడి అన్నంలోకి అదుర్స్!

జిగురు లేకుండా అచ్చం అమ్మమ్మ చేతి వంటలా బెండకాయ పులుసు.. వేడి వేడి అన్నంలోకి అదుర్స్!
Advertisement

Bendakaya Pulusu: ఇంట్లో కూరగాయలు ఏమీ లేనప్పుడు లేదా త్వరగా ఏదైనా రుచికరమైన వంట చేయాలనుకున్నప్పుడు మనకు ముందుగా గుర్తొచ్చేది బెండకాయ. ఫ్రై, మసాలా కూర ఇలా బెండకాయతో ఎన్ని రకాలు చేసినా.. చింతపండు రసంతో చేసే బెండకాయ పులుసుకు ఉండే ఆదరణే వేరు. ఆంధ్రా, తెలంగాణ వంటకాల్లో ఈ పులుసు కూరకు ప్రత్యేకమైన స్థానం ఉంది. పులుపు, కారం, తీపి రుచుల కలయికతో ఎంతో కమ్మగా ఉండే ఈ వంటకం అన్నంలోకే కాకుండా రాగి సంగటి, జొన్న రొట్టెల్లోకి కూడా అద్భుతంగా ఉంటుంది. జిగురు లేకుండా, ముక్క చెదరకుండా ఎంతో సులభంగా ఈ బెండకాయ పులుసును ఎలా తయారు చేసుకోవచ్చో ఇప్పుడు తెలుసుకుందాం.

కావాల్సిన పదార్థాలు:

లేత బెండకాయలు – పావు కిలో
ఉల్లిపాయలు – రెండు (పెద్దవి)
టమోటాలు – రెండు
పచ్చిమిర్చి – 4
చింతపండు – పెద్ద నిమ్మకాయంత
అల్లం వెల్లుల్లి పేస్ట్ – ఒక టీస్పూన్
పసుపు – పావు టీస్పూన్
కారం – రెండు టీస్పూన్లు
ధనియాల పొడి – ఒక టీస్పూన్
జీలకర్ర మెంతుల పొడి – అర టీస్పూన్
బెల్లం తురుము – చిన్న ముక్క (రుచి కోసం)
ఉప్పు – రుచికి సరిపడా
నూనె – మూడు టేబుల్ స్పూన్లు
ఆవాలు – అర టీస్పూన్
జీలకర్ర – అర టీస్పూన్
మెంతులు – చిటికెడు
కరివేపాకు – రెండు రెమ్మలు
కొత్తిమీర – కొద్దిగా

Advertisement

Also Read: వంకాయను ఇలా కాల్చి రోటి పచ్చడి చేస్తే.. రెండు ముద్దలు ఎక్కువగానే తింటారు!

తయారీ విధానం:

బెండకాయలను శుభ్రంగా కడిగి, తడి లేకుండా పొడి బట్టతో తుడిచి అంగుళం ముక్కలుగా కోసుకోవాలి. తడి లేకపోతే కూరలో జిగురు రాకుండా ఉంటుంది. చింతపండును గోరువెచ్చని నీటిలో నానబెట్టి చిక్కటి రసం తీసి పక్కన పెట్టుకోవాలి.

Advertisement

ఇప్పుడు స్టవ్ మీద వెడల్పాటి గిన్నె పెట్టి నూనె వేయాలి. నూనె వేడెక్కాక ఆవాలు, జీలకర్ర, మెంతులు వేసి చిటపటలాడనివ్వాలి. ఆ తర్వాత కరివేపాకు, నిలువుగా చీల్చిన పచ్చిమిర్చి, సన్నగా తరిగిన ఉల్లిపాయ ముక్కలు వేసి దోరగా వేయించుకోవాలి. ఉల్లిపాయలు రంగు మారాక అల్లం వెల్లుల్లి పేస్ట్ వేసి పచ్చివాసన పోయే వరకు కలపాలి.

ఇప్పుడు తరిగిన టమోటా ముక్కలు, పసుపు, ఉప్పు వేసి టమోటాలు మెత్తగా మగ్గే వరకు మూత పెట్టి ఉడికించాలి. ఆ తర్వాత కట్ చేసి పెట్టుకున్న బెండకాయ ముక్కలు వేసి మంటను మీడియంలో ఉంచి 5 నిమిషాల పాటు నూనెలో మగ్గనివ్వాలి. ఇలా చేయడం వల్ల బెండకాయ ముక్కలు విరిగిపోకుండా చక్కగా ఉడుకుతాయి.

ఇప్పుడు కారం, ధనియాల పొడి వేసి ఒక నిమిషం పాటు వేయించి, ముందుగా తీసి పెట్టుకున్న చింతపండు రసం, తగినన్ని నీళ్లు పోసి బాగా కలపాలి. పులుసు మరుగుతున్నప్పుడు చిన్న బెల్లం ముక్క, జీలకర్ర మెంతుల పొడి వేయాలి. బెల్లం వేయడం వల్ల పులుపు, కారం బ్యాలెన్స్ అయి కూరకు అద్భుతమైన రుచి వస్తుంది. నూనె పైకి తేలే వరకు సుమారు 10 నిమిషాల పాటు సన్నని సెగపై ఉడికించి, చివరగా సన్నగా తరిగిన కొత్తిమీర చల్లి స్టవ్ ఆపేస్తే సరి.

Also Read: ఇంటికి అతిథులు వచ్చినప్పుడు ఈ స్పెషల్ ‘బ్యాంగ్ బ్యాంగ్ చికెన్’ చేసి పెట్టండి.. ఫిదా అయిపోతారు!

Tags

Related News

వంకాయను ఇలా కాల్చి రోటి పచ్చడి చేస్తే.. రెండు ముద్దలు ఎక్కువగానే తింటారు!

ట్రెడిషనల్ రెసిపీ..వేడివేడి అన్నంలోకి అదిరిపోయే గుత్తి కాకరకాయ మసాలా!

హెల్దీ & టేస్టీ మునగాకు రైస్..లంచ్ బాక్స్‌కు సూపర్ ఆప్షన్

నోరూరించే పప్పురొయ్య వంకాయ కూర..పాతకాలపు రుచితో సింపుల్‌,టేస్టీగా!

తిన్న వెంటనే టీ తాగుతున్నారా?నిపుణులు చెప్పేది వింటే షాక్ అవుతారు!

టాబ్లెట్ స్ట్రిప్ మీద ఎర్రటి గీత ఎందుకు ఉంటుంది? మందులు కొనే ముందు తప్పక తెలుసుకోవాల్సిన విషయాలు

మనసులో నిరాశ, బాధ, గందరగోళంగా ఉందా? ప్రతి సమస్యకు పరిష్కరం సూచించే భగవద్గీత అధ్యాయాలు ఇవే

Big Stories

Advertisement
×