Dandruff: ఈ టిప్స్ పాటిస్తే.. చుండ్రు సమస్యే ఉండదు తెలుసా ?

Dandruff: జుట్టు సంబంధిత సమస్యలు ఎదుర్కునే వారి సంఖ్య రోజు రోజుకూ పెరుగుతోంది. ముఖ్యంగా డాండ్రఫ్ తో ఇబ్బంది పడే వారి సంఖ్య ప్రస్తుతం ఎక్కువగానే ఉంటోంది. చుండ్రు తలకు అసౌకర్యాన్ని కలిగించడమే కాక, జుట్టు రాలడం, చర్మం ఎర్రబడటం వంటి సమస్యలకు కూడా దారితీస్తాయి. అందుకే ఈ సమస్యలకు ఇంట్లోనే హోం రెమెడీస్ తయారు చేసుకుని వాడవచ్చు. ఈ సహజసిద్ధమైన చిట్కాలతో జుట్టు రాలడాన్ని కూడా నివారించవచ్చు. ఎలాంటి హోం రెమెడీస్ వాడితే చుండ్రు సమస్యలు పూర్తిగా తొలగిపోతాయో ఇప్పుడు తెలుసుకుందాం.

1. కొబ్బరి నూనె, నిమ్మరసం :
కొబ్బరి నూనె తలకు తేమను అందిస్తుంది. ఇది డాండ్రఫ్‌ను తగ్గించడంలో సహాయపడుతుంది. ఇందుకోసం రెండు టేబుల్ స్పూన్ల కొబ్బరి నూనెలో ఒక టీస్పూన్ నిమ్మరసం కలిపి, ఈ మిశ్రమాన్ని తలకు మర్దనా చేయండి. 30 నిమిషాల పాటు ఉంచి.. షాంపూతో కడిగేయండి. నిమ్మరసంలోని యాంటీ ఫంగల్ గుణాలు డాండ్రఫ్‌ను తగ్గిస్తాయి. అలాగే చుండ్రును తగ్గించడంలో సహాయపడతాయి. ఈ చిట్కాను వారానికి రెండు సార్లు కూడా ఉపయోగించవచ్చు.

2. వేప నూనె:
వేప ఆకులు యాంటీ బాక్టీరియల్ , యాంటీ ఫంగల్ గుణాలను కలిగి ఉంటాయి. ఇవి డాండ్రఫ్‌ను నియంత్రించడంలో ఎంతగానో సహాయపడతాయి. కొన్ని వేప ఆకులను నీటిలో వేసి బాగా మరిగించి.. ఆ నీటిని చల్లారిన తర్వాత తలకు పట్టించి, 20 నిమిషాల పాటు ఉంచండి. తర్వాత గోరువెచ్చని నీటితో కడిగేయండి. వేప నూనెను కూడా కొబ్బరి నూనెతో కలిపి తలకు రాసి మసాజ్ చేయవచ్చు. ఇది చుండ్రును తగ్గించడంలో సహాయపడుతుంది.

3. పెరుగు, తేనె:
పెరుగు తలకు చల్లదనాన్ని అందిస్తూ.. డాండ్రఫ్‌ను నియంత్రిస్తుంది. ఒక కప్పు పెరుగులో ఒక టేబుల్ స్పూన్ తేనె కలిపి.. ఈ మిశ్రమాన్ని తలకు అప్లై చేయండి. ఆ తర్వాత 20-30 నిమిషాల తర్వాత చల్లటి నీటితో కడిగేయండి. పెరుగులోని లాక్టిక్ యాసిడ్ తలలోని చర్మాన్ని శుభ్రపరుస్తుంది. అంతే కాకుండా తేనె తేమను అందిస్తుంది. ఈ చిట్కాను వారంలో ఒకటి లేదా రెండు సార్లు ఉపయోగించవచ్చు.

4. అలోవెరా జెల్:
అలోవెరా జెల్‌లో యాంటీ ఇన్ఫ్లమేటరీ , యాంటీ ఫంగల్ గుణాలు ఉంటాయి. ఇవి డాండ్రఫ్‌ను తగ్గిస్తాయి. తాజా అలోవెరా ఆకు నుండి జెల్ తీసుకుని.. తలకు రాసి 20 నిమిషాల పాటు ఉంచండి. తర్వాత షాంపూతో కడిగేయండి. అలోవెరా తలకు చల్లదనాన్ని అందిస్తూ.. చర్మాన్ని మృదువుగా చేస్తుంది. ఈ చిట్కాను వారానికి రెండు సార్లు కూడా ఉపయోగించవచ్చు.

5. ఆపిల్ సైడర్ వినెగర్:
ఆపిల్ సైడర్ వినెగర్ తలలో pH సమతుల్యతను నియంత్రిస్తూ.. డాండ్రఫ్‌కు కారణమయ్యే ఫంగస్‌ను తొలగిస్తుంది. ఒక కప్పు నీటిలో రెండు టేబుల్ స్పూన్ల ఆపిల్ సైడర్ వినెగర్ కలిపి, ఈ మిశ్రమాన్ని తలకు పట్టించి 10-15 నిమిషాల తర్వాత కడిగేయండి. ఈ చిట్కాను వారానికి ఒకసారి ఉపయోగించడం మంచిది. దీనివల్ల చుండ్రు తగ్గడమే కాక.. జుట్టు కూడా మృదువుగా మారుతుంది.

6. మెంతులు:
మెంతులలో యాంటీ ఫంగల్ గుణాలు ఉంటాయి. ఇవి డాండ్రఫ్‌ను తగ్గించడంలో సహాయపడతాయి. రాత్రంతా మెంతులను నీటిలో నానబెట్టి.. ఉదయం వాటిని మెత్తగా రుబ్బి, ఆ పేస్ట్‌ను తలకు రాయండి. 30 నిమిషాల తర్వాత కడిగేయండి. ఈ చిట్కా జుట్టును బలపరుస్తూ, డాండ్రఫ్‌ను తగ్గిస్తుంది.

7. బేకింగ్ సోడా:
బేకింగ్ సోడా తలలోని చర్మంలోని అదనపు నూనెను తొలగిస్తూ.. డాండ్రఫ్‌ను నియంత్రిస్తుంది. ఒక టేబుల్ స్పూన్ బేకింగ్ సోడాను నీటితో కలిపి.. తలకు రాసి, 10 నిమిషాల తర్వాత కడిగేయండి. ఈ చిట్కాను వారానికి ఒకసారి మాత్రమే ఉపయోగించండి. దీనిని ఎక్కువగా ఉపయోగిస్తే తలపై చర్మం పొడిబారవచ్చు.

Also Read: ఇలా చేస్తే.. క్షణాల్లోనే తెల్లజుట్టు నల్లగా మారుతుంది తెలుసా ?

సాధారణ చిట్కాలు:
తలను శుభ్రంగా ఉంచుకోండి: వారానికి 2-3 సార్లు షాంపూతో తలస్నానం చేయండి.
పోషకాహారం: విటమిన్ బి, జింక్, ఒమేగా-3 కలిగిన ఆహారాలను తీసుకోండి.
నీరు తాగడం: రోజుకు 8-10 గ్లాసుల నీరు తాగడం వల్ల చర్మం, జుట్టు ఆరోగ్యంగా ఉంటాయి.
ఒత్తిడిని తగ్గించండి: యోగా, ధ్యానం వంటివి ఒత్తిడిని తగ్గించి, డాండ్రఫ్‌ను నియంత్రిస్తాయి.
ఈ ఇంటి చిట్కాలు డాండ్రఫ్ ను తగ్గించడంలో సహాయపడతాయి. ఈ సమస్య తీవ్రంగా ఉంటే.. చర్మవ్యాధి నిపుణులను సంప్రదించడం మంచిది.

Share

• 
• 
• 
• 
• 
•