Tips For Hair Loss: వీటితో.. హెయిర్ లాస్‌‌కు చెక్

Tips For Hair Loss: చలికాలంలో చర్మం పొడిబారడం, నిర్జీవంగా మారడం అనే సమస్య మొదలవుతుంది. ఈ రోజుల్లో తలపై చర్మం పొడిగా మారుతుంది. దీని వల్ల జుట్టు రాలే సమస్య మొదలవుతుంది. అంతే కాకుండా పొడిబారడం వల్ల జుట్టులో చుండ్రు, దురద వంటి సమస్యలు వస్తాయి. ఇలాంటి సమయంలోనే మన జుట్టుపై ప్రత్యేక శ్రద్ధ తీసుకోవడం చాలా అవసరం. కొన్ని రకాల హం రెమెడీస్ కూడా జుట్టు రాలకుండా చేస్తాయి. అంతే కాకుండా జుట్టుకు పోషణను అందిస్తాయి. మరి ఎలాంటి హోం రెమెడీస్ జుట్టు పెరుగుదలకు ఉపయోగపడాయి. వాటిని ఉపయోగించే విధానం గురించి ఇప్పుడు తెలుసుకుందాం.

హెయిర్ డ్రైయర్‌తో జుట్టును ఆరబెట్టకూడదు:
చలికాలంలో వెంట్రుకలు రాలకుండా ఉండాలంటే ఒక విషయంలో మాత్రం ప్రత్యేక శ్రద్ధ తీసుకోవాల్సిన అవసరం ఉంది. ఈ రోజుల్లో జుట్టు ఆరబెట్టడానికి హెయిర్ డ్రైయర్ ఉపయోగించకూడదు. జుట్టు సహజంగా ఆరబెట్టాలి.

నూనెతో మర్దన:
చలికాలంలో జుట్టుకు తేమతో పాటు, పోషణను నిర్వహించాల్సిన అవసరం ఉంది. అటువంటి పరిస్థితిలో మనం ఆయుర్వేద నూనెతో మసాజ్ చేయాలి. ఇది జుట్టు మీద రక్షిత పొరను సృష్టిస్తుంది. దీని వల్ల జుట్టు చిట్లడం, రాలడం వంటి సమస్యలు ఉండవు.

వేడి నీటితో వాష్ చేయొద్దు:
చలికాలంలో వేడి నీళ్లతో తలస్నానం చేయడం మానుకోవాలి. దీనిని ఉపయోగిస్తే సహజంగా ఉండే జుట్టు , తలపై నుండి నూనెను తొలగిస్తుంది. దీని వల్ల జుట్టు రాలే సమస్య వస్తుంది.

జుట్టు దువ్వడం:
జుట్టు పూర్తిగా ఆరిపోయే వరకు దువ్వకూడదు, ఎందుకంటే తడి జుట్టు బలహీనంగా ఉంటుంది.  అంతే కాకుండా  సులభంగా రాలిపోతుంది కూడా. దీని వల్ల జుట్టు రాలడం అనే సమస్య మొదలవుతుంది. అటువంటి పరిస్థితిలో, ఎండబెట్టిన తర్వాత మాత్రమే దువ్వాలి.

ఆరోగ్యకరమైన ఆహారం తీసుకోండి:
జుట్టు రాలడాన్ని నివారించడానికి, సెలెరీ, పుదీనా, తులసి, ఉసిరి, అల్లం, పసుపు , జీలకర్ర సహాయంతో తయారుచేసిన పానీయాన్ని తీసుకోవాలి. ఇందులో ఉండే యాంటీ ఇన్‌ఫ్లమేటరీ , యాంటీ ఆక్సిడెంట్ లక్షణాలు జుట్టుకు చాలా మేలు చేస్తాయి. అంతే కాకుండా జుట్టు రాలకుండా చేస్తాయి. తరుచుగా జుట్టు రాలే సమస్యతో ఇబ్బంది పడే వారు కొన్ని రకాల టిప్స్ పాటించడం వల్ల మంచి ఫలితం ఉంటుంది.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.

Share

• 
• 
• 
• 
• 
•