Constipation: మలబద్ధకం సమస్యతో ఇబ్బంది పడుతున్నారా ?

Constipation: ప్రతి ఒక్కరూ ఎప్పుడో ఒక సారి మలబద్ధకం సమస్యను ఎదుర్కొంటారు. మలబద్ధకం సమస్య చాలా కాలం పాటు కొనసాగితే, అది తీవ్రమైన కడుపు సంబంధిత వ్యాధులకు దారి తీస్తుంది. అటువంటి పరిస్థితిలో, మలబద్ధకం నివారించడం చాలా ముఖ్యం. దీని కోసం సరైన జీవనశైలి, ఆహారపు అలవాట్లతో పాటు కొన్ని టిప్స్ పాటించడం అవసరం.

మలబద్ధకం ఎక్కువ కాలం కొనసాగితే పైల్స్ వంటి బాధాకరమైన వ్యాధులను ఎదుర్కోవాల్సి వస్తుంది. దీంతో పాటు మలబద్ధకం వల్ల రోజంతా నీరసంగా ఉంటుంది.మలబద్ధకం నుండి బయటపడటానికి ఎలాంటి హెం రెమెడీస్ ఉపయోగపడతాయో ఇప్పుడు తెలుసుకుందాం.

మలబద్ధకం తగ్గడానికి హోం రెమెడీస్:

1. ఫైబర్ అధికంగా ఉండే ఆహారం ఎందుకు తీసుకోవాలి ?

ఫైబర్ మలాన్ని మృదువుగా చేస్తుంది. ప్రేగు కదలికలను పెంచుతుంది. అంతే కాకుండా ప్రేగు కదలికలను సులభతరం చేస్తుంది.

ఏమి తినాలి: పండ్లు (యాపిల్, బేరి, అరటిపండ్లు), కూరగాయలు (బచ్చలికూర, బ్రోకలీ, క్యారెట్లు), తృణధాన్యాలు (వోట్స్, బ్రౌన్ రైస్), పప్పులు, గింజలు .

2. తగినంత నీరు ఎందుకు త్రాగాలి:

నీరు మలాన్ని మృదువుగా చేసి పేగులను ఆరోగ్యంగా ఉంచుతుంది.

ఎంత త్రాగాలి: రోజంతా 8-10 గ్లాసుల నీరు త్రాగాలి.

3. క్రమం తప్పకుండా వ్యాయామం చేయాలి:

వ్యాయామం జీర్ణవ్యవస్థను సక్రియం చేస్తుంది. ప్రేగు కదలికలను నియంత్రిస్తుంది.

ఏమి చేయాలి: నడక, పరుగు, యోగా లేదా వ్యాయామం వంటి ప్రతిరోజు కనీసం 30 నిమిషాల చేయండి.

4. త్రిఫల పొడి:

త్రిఫల అనేది ఆయుర్వేదంలో ఒక ముఖ్యమైన ఔషధం. ఇది జీర్ణక్రియను మెరుగుపరుస్తుంది. అంతే కాకుండా మలబద్ధకం నుండి ఉపశమనం కలిగిస్తుంది.

ఎలా తీసుకోవాలి: రాత్రి పడుకునే ముందు ఒక చెంచా త్రిఫల చూర్ణాన్ని గోరువెచ్చని నీటితో తీసుకోవాలి.

5. ఇసాబ్గోల్ ఎందుకు తీసుకోవాలి ?

ఇసాబ్గోల్ ఒక సహజ ఫైబర్. ఇది మలాన్ని మృదువుగా చేస్తుంది. అంతే కాకుండా ప్రేగు కదలికలను పెంచుతుంది.

ఎలా తీసుకోవాలి: ఇసాబ్‌గోల్‌ను నీటిలో కలిపి త్రాగాలి.

Also Read: ఎంతటి తెల్లజుట్టు అయినా.. ఇలా చేస్తే క్షణాల్లోనే నల్లగా మారడం ఖాయం

6. ఉసిరి రసం:

ఉసిరికాయలో విటమిన్ సి పుష్కలంగా ఉంటుంది. ఇది జీర్ణక్రియను మెరుగుపరుస్తుంది.

ఎలా తీసుకోవాలి: ప్రతి ఉదయం ఖాళీ కడుపుతో ఉసిరికాయ రసం త్రాగాలి.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.

Share

• 
• 
• 
• 
• 
•