Pimples On Neck: మెడపై మొటిమలా ? వీటిని వాడితే.. సమస్య దూరం

Pimples On Neck: మెడ, ముఖం మీద మొటిమలు మీ అందాన్ని పాడు చేస్తాయి.ఇవి హ్యూమన్ పాపిల్లోమా వైరస్ (HPV) ఇన్ఫెక్షన్ వల్ల వస్తాయి. ఇది గాయాల ద్వారా మన శరీరంలోకి ప్రవేశిస్తుంది. అంతే కాకుండా మన శరీరంలోకి ప్రవేశించిన తర్వాత ఇన్ఫెక్షన్‌ను వ్యాపించేలా చేస్తుంది. ఇది శరీరంలోని ఏ భాగంలోనైనా జరగవచ్చు. అవి ఎటువంటి హాని కలిగించకపోయినా.. చాలా వికారంగా కనిపిస్తాయి. ఈ మొటిమలను తాకిన తర్వాత శరీరంలోని మరొక భాగాన్ని తాకినట్లయితే.. ఈ వైరస్ అక్కడ కూడా సోకుతుంది. మీరు కూడా మొటిమల సమస్యతో బాధపడుతుంటే.. కొన్ని రకాల హోం రెమెడీస్ వాడండి. ఇవి మీకు చాలా బాగా ఉపయోగపడతాయి.

అరటి తొక్క:
అరటిపండు తినడం ఎంత ఆరోగ్యకరమైనదో, చర్మ సంబంధిత సమస్యలను తొలగించడంలో కూడా ఇది ఉపయోగకరంగా ఉంటుంది. మొటిమల సమస్య నుండి బయటపడటానికి.. మీరు అరటి తొక్కను ఉపయోగించవచ్చు. దీని కోసం.. ముందుగా అరటి తొక్కతో మొటిమపై రుద్ది.. తర్వాత దానిని ఒక గుడ్డలో కట్టి, మీ మొటిమ పూర్తిగా తొలగిపోయే వరకు రాత్రంతా అలాగే ఉంచండి. తరచుగా ఇలా చేయడం వల్ల మంచి ఫలితం ఉంటుంది.

తమలపాకు రసం:
ఒక పాత్రలో తమలపాకు రసాన్ని తీసి.. అందులో కాస్త సున్నం కలిపి, శరీరంలో మొటిమలు ఉన్న భాగాలపై మాత్రమే రాయండి. మొటిమల మూలంలో దీన్ని పూయడం ద్వారా.. మీరు త్వరలో తేడాను చూడటం ప్రారంభిస్తారు.

కాస్టర్ ఆయిల్, బేకింగ్ సోడా :
ముఖంపై ఉన్న మొటిమలను తొలగించడంలో బేకింగ్ సోడా , ఆముదం ప్రయోజనకరంగా పనిచేస్తాయి. దీని కోసం.. ఒక చెంచా బేకింగ్ సోడాలో కొన్ని చుక్కల ఆముదం కలిపి మొటిమలపై అప్లై చేసి కొంత సమయం పాటు మసాజ్ చేయండి. 1 గంట పాటు ఇలాగే వదిలేయండి. తరువాత నీటితో శుభ్రం చేసుకోండి. మీరు ఇలా 1 నెల పాటు పాటిస్తే.. కొన్ని రోజుల్లోనే మీరు అద్భుత ఫలితాలను చూస్తారు.

వెల్లుల్లి పేస్ట్ :
వెల్లుల్లి పేస్ట్ మొటిమలను తొలగించడానికి చాలా ప్రయోజనకరంగా ఉంటుంది. దీన్ని మొటిమపై అప్లై చేయడం వల్ల, త్వరగా సమస్య దూరం అవుతుంది. మొటిమలను వదిలించుకోవడానికి.. వెల్లుల్లి పేస్ట్ యొక్క పలుచని పొరను ప్రభావిత ప్రాంతంపై రుద్దండి. తర్వాత 20 నిమిషాలు అలాగే ఉంచండి. అనంతరం శుభ్రమైన నీటితో వాష్ చేయండి. దీనిని వారానికి రెండుసార్లు కూడా మీరు ఉపయోగించవచ్చు.

Also Read: జుట్టు ఒత్తుగా, ఆరోగ్యంగా ఉండాలంటే.. ఇవి తినాల్సిందే !

ఉల్లిపాయ రసం :
మొటిమల సమస్య నుండి బయటపడటానికి ఉల్లిపాయ రసం కూడా మీకు సహాయపడుతుంది. దీని కోసం, ఉల్లిపాయ రసాన్ని తీసి ఒక చిన్న సీసాలో నింపి, ఈ రసాన్ని మెడ, ముఖంపై ఉన్న మొటిమలపై ప్రతిరోజూ రాయండి. ఇలా చేయడం వల్ల మీకు అద్భుత ఫలితాలు లభిస్తాయి.

Share

• 
• 
• 
• 
• 
•