Curry Leaves For Hair: కరివేపాకులో ఈ ఒక్కటి కలిపి వాడితే.. జుట్టు వద్దన్నా పెరుగుతుంది

Curry Leaves For Long Hair: కరివేపాకు జుట్టుకు చాలా మేలు చేస్తుంది . ఇది జుట్టును నల్లగా, మందంగా చేస్తుంధి. జుట్టును ఒత్తుగా చేయడానికి కరివేపాకులను అనేక విధాలుగా ఉపయోగిస్తారు.

కరివేపాకు జుట్టుకు ఔషధం కంటే తక్కువ కాదు. విటమిన్-సి, ఐరన్, కాల్షియం, యాంటీఆక్సిడెంట్లు, అమైనో ఆమ్లాల వంటి పోషకాలు కరివేపాకులో ఉంటాయి. ఇవి జుట్టును మందంగా, నల్లగా , బలంగా చేయడంలో సహాయపడతాయి. మీ జుట్టు ఎక్కువగా రాలిపోతుంటే లేదా జుట్టు రాలడం వల్ల సన్నగా మారితే, కరివేపాకుతో మీ జుట్టును మళ్ళీ మందంగా, బలంగా ఎలా ఎలా చేసుకోవాలో ఇప్పుడు తెలుసుకుందాం.

జుట్టుకు కరివేపాకు వల్ల కలిగే ప్రయోజనాలు:
జుట్టు రాలడాన్ని తగ్గిస్తుంది: కరివేపాకులో ఉండే ప్రోటీన్లు, యాంటీఆక్సిడెంట్లు జుట్టు మూలాలను బలోపేతం చేస్తాయి. తద్వారా జుట్టు రాలడం తగ్గుతుంది.

తెల్ల జుట్టును నివారిస్తుంది: దీనిలో ఉండే బి విటమిన్లు, ఖనిజాలు మెలనిన్ ఉత్పత్తిని పెంచుతాయి. ఇది జుట్టును సహజంగా నల్లగా ఉంచడంలో సహాయపడుతుంది.

చుండ్రు, దురద నుండి ఉపశమనం: కరివేపాకులో యాంటీ ఫంగల్ , యాంటీ బాక్టీరియల్ లక్షణాలు ఉంటాయి. ఇవి ఇన్ఫెక్షన్లను తొలగిస్తాయి.

జుట్టు పెరుగుదలను పెంచుతుంది: ఇది రక్త ప్రసరణను మెరుగుపరుస్తుంది. ఇది కొత్త జుట్టు పెరుగుదలకు సహాయపడుతుంది .

కరివేపాకును ఉపయోగించే మార్గాలు:
కరివేపాకు నూనె:
దీని కోసం.. ఒక గుప్పెడు కరివేపాకు, అర కప్పు కొబ్బరి నూనె అవసరం. ఒక గిన్నెలో కొబ్బరి నూనెను తేలికగా వేడి చేసి, దానిలో కరివేపాకు వేయండి. ఆకులు నల్లగా మారే వరకు ఈ నూనెను తక్కువ మంట మీద ఉడకనివ్వండి. దీని తర్వాత, గ్యాస్ ఆపివేసి, నూనెను చల్లబరిచి, ఫిల్టర్ చేసి గాలి చొరబడని సీసాలో నిల్వ చేయండి. ఈ నూనెతో వారానికి 2-3 సార్లు తలకు మసాజ్ చేసి, 1 గంట తర్వాత కడిగేయండి.

కరివేపాకు పేస్ట్:
దీని కోసం.. మీకు 10-15 కరివేపాకు, 2 టీస్పూన్ల పెరుగు అవసరం. కరివేపాకును మెత్తగా పేస్ట్ లా చేసి, దానికి పెరుగు కలిపి మెత్తని పేస్ట్ లా తయారు చేసుకోండి. ఈ పేస్ట్ ను జుట్టు మూలాలపై అప్లై చేసి 30 నిమిషాలు అలాగే ఉంచి, షాంపూతో కడిగేయండి.ఇలా చేయడం వల్ల చాలా లాభాలు ఉంటాయి.

Also Read: నెయ్యి ఇలా వాడితే.. చందమామ లాంటి ముఖం

కరివేపాకు నీళ్లు:
కరివేపాకు ఆకులను నీటిలో వేసి సగం నీరు అయ్యే వరకు మరిగించాలి. ఆ తర్వాత, అది చల్లబడిన తర్వాత వడకట్టాలి. ఈ నీటితో జుట్టును కడగాలి లేదా స్ప్రే బాటిల్‌లో నింపి తలపై స్ప్రే చేయాలి. దీనిని తరచుగా వాడటం వాళ్ళ చాలా లాభాలు ఉంటాయి.

కరివేపాకు,ఉసిరి పౌడర్ హెయిర్ మాస్క్:
దీని కోసం మీకు రెండు చెంచాల కరివేపాకు పొడి, ఒక చెంచా ఉసిరి పొడి ,రోజ్ వాటర్ అవసరం. ఈ పదార్థాలన్నింటినీ కలిపి పేస్ట్ లా తయారు చేసుకోండి. జుట్టుకు అప్లై చేసి 20 నిమిషాల తర్వాత కడిగేయండి. ఇది జుట్టును నల్లగా, మెరిసేలా చేస్తుంది.

Share

• 
• 
• 
• 
• 
•