Brain Health Tips: మన శరీరంలో అత్యంత కీలకమైన అవయవం మెదడు. రోజంతా మనం చేసే చిన్న చిన్న పనుల ఆధారంగానే దాని ఆరోగ్యం నిర్ణయించబడుతుంది. అయితే చాలామంది తెలిసీ తెలియక చేసే కొన్ని రోజువారీ పనులు మెదడు పనితీరును తీవ్రంగా ప్రభావితం చేస్తాయని ప్రముఖ న్యూరోసర్జన్లు చెబుతున్నారు. వయసు పెరిగేకొద్దీ వచ్చే మెదడు సమస్యలు, జ్ఞాపకశక్తి తగ్గడం వంటివాటికి మన దినచర్యలోని కొన్ని పొరపాట్లే కారణమవుతున్నాయి.
మంచి నిద్ర మెదడుకు రీఛార్జ్ లాంటిది. రాత్రివేళల్లో కనీసం 7 నుండి 8 గంటల నిద్ర లేకపోతే మెదడులోని వ్యర్థాలు శుభ్రపడవు. పగటిపూట మెదడులో పేరుకుపోయే టాక్సిన్లు రాత్రి నిద్రలోనే తొలగించబడతాయి. నిద్రను అలక్ష్యం చేయడం వల్ల జ్ఞాపకశక్తి మందగించడమే కాకుండా.. కొత్త విషయాలు నేర్చుకునే సామర్థ్యం కూడా క్రమంగా తగ్గిపోతుంది. ఇది దీర్ఘకాలంలో మెదడు ఆరోగ్యంపై తీవ్ర ప్రతికూల ప్రభావాన్ని చూపుతుంది.
Also Read: ఒక్క పెగ్గే కదా అని చిల్ అవుతున్నారా? లోపల మీ అవయవాలు ఏమవుతున్నాయో తెలుసా?
రోజంతా ఒకేచోట కూర్చుని పనిచేయడం, శారీరక కదలికలు లేకపోవడం మెదడుకు వెళ్లే రక్త ప్రసరణను తగ్గిస్తుంది. క్రమం తప్పకుండా వ్యాయామం చేయడం వల్ల మెదడుకు సరిపడా ఆక్సిజన్ అందుతుంది. దీనికి తోడు రోజంతా ఫోన్లు, ల్యాప్టాప్ల స్క్రీన్ల ముందే గడపటం, రాత్రి వేళల్లో కూడా డిజిటల్ స్క్రీన్లు చూడటం వల్ల మెదడు విపరీతమైన ఒత్తిడికి గురవుతుంది. ఇది దృష్టి కేంద్రీకరించే సామర్థ్యాన్ని దెబ్బతీస్తుంది.
మనం తినే ఆహారం నేరుగా మన మెదడు ఆరోగ్యాన్ని ప్రభావితం చేస్తుంది. ఎక్కువగా ప్రాసెస్ చేసిన ఆహారాలు, జంక్ ఫుడ్, చక్కెర పదార్థాలు తీసుకోవడం వల్ల మెదడులో వాపు లేదా ఇన్ఫ్లమేషన్ పెరుగుతుంది. అలాగే శరీరానికి సరిపడా నీరు అందించకపోవడం వల్ల డీహైడ్రేషన్ ఏర్పడి మెదడు ఆలోచనా శక్తి, ఏకాగ్రత తగ్గుతాయి. రోజూ సరిపడా నీరు తాగడం మెదడును ఉత్తేజంగా ఉంచడానికి చాలా అవసరం.
మనుషులతో కలవకపోవడం, ఎప్పుడూ ఒంటరిగా ఉండటం వల్ల మానసిక అలసట పెరిగి మెదడు వేగంగా వృద్ధాప్యానికి గురవుతుంది. నలుగురితో మాట్లాడటం, కొత్త విషయాలు పంచుకోవడం మెదడులోని నరాలను చురుగ్గా ఉంచుతాయి. అలాగే నిరంతరం తీవ్రమైన ఒత్తిడికి గురికావడం వల్ల శరీరంలో కార్టిసోల్ అనే హార్మోన్ విడుదలవుతుంది. ఇది మెదడులోని జ్ఞాపకశక్తికి సంబంధించిన భాగాలను దెబ్బతీస్తుంది. కాబట్టి ఎలాంటి పరిస్థితిలో అయినా ప్రశాంతంగా ఉండటం అలవాటు చేసుకోవాలి.
Also Read: షాపింగ్ మాత్రమే కాదు, ఇకపై ఫుడ్ కూడా.. Flipkart కొత్త ప్లాన్ మామూలుగా లేదుగా!
Share
థియేటర్లో అగ్నిప్రమాదం... కట్ చేస్తే చూస్తున్న సినిమాలోకే ఊడిపడే తింగరోళ్ళు
సరిలేరు మీకెవ్వరు.. బీజేపీని అడుగు పట్టించేందుకు మీరు చాలు నాయకా..!
