Secrets To Anti Ageing: మన చర్మం నిత్యం యవ్వనంగా.. ఆరోగ్యంగా ఉండాలని ప్రతి ఒక్కరూ కోరుకుంటారు. వయస్సు పెరిగే కొద్దీ చర్మంపై ముడతలు, మచ్చలు రావడం సహజమే. అయితే.. కొన్ని సాధారణ రోజువారీ అలవాట్లను పాటించడం ద్వారా చర్మం వయస్సు పెరిగే వేగాన్ని తగ్గించి.. యవ్వనంగా, కాంతివంతంగా కనిపించవచ్చు. ఖరీదైన క్రీములు, చికిత్సలు అవసరం లేకుండానే ఈ అలవాట్లు అద్భుతమైన ఫలితాలను ఇస్తాయి.
1. రోజూ సన్స్క్రీన్ వాడండి:
సూర్యరశ్మి చర్మంపై వయస్సు ప్రభావాలను వేగవంతం చేసే అతిపెద్ద కారకాల్లో ఒకటి. సూర్య కిరణాల వల్ల చర్మం దెబ్బతిని, ముడతలు, మచ్చలు వస్తాయి. కాబట్టి.. ఎండలో బయటకు వెళ్లినా వెళ్లకపోయినా, ప్రతిరోజూ సన్స్క్రీన్ (SPF 30 లేదా అంతకంటే ఎక్కువ) వాడటం తప్పనిసరి. ఇది మీ చర్మాన్ని కాపాడుతుంది.
2. పుష్కలంగా నీరు తాగండి:
శరీరానికి.. చర్మానికి నీరు చాలా ముఖ్యం. తగినంత నీరు తాగడం వల్ల చర్మం తేమగా ఉంటుంది. అంతే కాకుండా పొడి బారకుండా కాపాడబడుతుంది. ఇది చర్మాన్ని నిగనిగలాడేలా చేసి.. ముడతలను కూడా తగ్గిస్తుంది. అందుకే రోజుకు కనీసం 8-10 గ్లాసుల నీరు తాగడం అలవాటు చేసుకోండి.
3. ఆరోగ్యకరమైన ఆహారం తీసుకోండి:
మీరు తినే ఆహారం మీ చర్మం ఆరోగ్యంపై ప్రభావం చూపుతుంది. యాంటీ ఆక్సిడెంట్లు ఎక్కువగా ఉన్న పండ్లు, కూరగాయలు, చేపలు, నట్స్ వంటివి తీసుకోవడం వల్ల చర్మం లోపలి నుంచి మెరుస్తుంది. జంక్ ఫుడ్, చెక్కర ఎక్కువగా ఉన్న ఆహారాలకు దూరంగా ఉండండి.
4. క్రమం తప్పకుండా వ్యాయామం చేయండి:
వ్యాయామం చేయడం వల్ల శరీరంలో రక్త ప్రసరణ మెరుగుపడుతుంది. అంతే కాకుండా ఇది చర్మ కణాలకు పోషకాలు, ఆక్సిజన్ను సరఫరా చేస్తుంది. వ్యాయామం వల్ల ఒత్తిడి తగ్గి, హార్మోన్ల సమతుల్యత మెరుగుపడుతుంది. ఇది చర్మాన్ని యవ్వనంగా ఉంచుతుంది.
5. మంచి నిద్ర తప్పనిసరి:
రాత్రి నిద్రపోతున్నప్పుడు.. చర్మం తనను తాను బాగు చేసుకుంటుంది. తగినంత నిద్ర లేకపోతే కళ్ల కింద c డార్క్ సర్కిల్స్ వస్తాయి. అంతే కాకుండా చర్మం పాలిపోయినట్లు కనిపిస్తుంది. రోజూ 7-8 గంటల నాణ్యమైన నిద్ర పొందడం వల్ల చర్మం పునరుత్తేజం పొందుతుంది.
6. ఒత్తిడిని తగ్గించుకోండి:
ఒత్తిడి వల్ల శరీరంలో హార్మోన్ల అసమతుల్యత ఏర్పడి, చర్మంపై ముడతలు, మొటిమలు వస్తాయి. యోగా, ధ్యానం, శ్వాస వ్యాయామాలు వంటివి చేయడం వల్ల ఒత్తిడి తగ్గుతుంది. ఒత్తిడి తగ్గితే చర్మంపై వయస్సు ప్రభావాలు కూడా తగ్గుతాయి.
7. తేలిక పాటి చర్మ సంరక్షణ:
చాలా కఠినమైన సబ్బులు, క్రీములు వాడటం వల్ల చర్మం పొడి బారి, దెబ్బతింటుంది. తేలిక పాటి.. సహజమైన ఫేస్ వాష్, మాయిశ్చరైజర్ ఉపయోగించడం వల్ల చర్మం ఆరోగ్యంగా ఉంటుంది. అందుకే రోజుకు రెండుసార్లు ముఖం కడుక్కోవడం తేమగా ఉంచుకోవడం ముఖ్యం.
ఈ సాధారణ అలవాట్లను మీ దినచర్యలో భాగం చేసుకోవడం వల్ల మీ చర్మం ఆరోగ్యంగా, యవ్వనంగా ఉంటుంది. చర్మం మెరుగుదల కేవలం బాహ్యంగా కాకుండా, అంతర్గతంగా కూడా ఆరోగ్యం మెరుగుపడినప్పుడు మాత్రమే సాధ్యమవుతుంది.
Share
Thummala Nageswara Rao: మరో నాలుగు రోజుల్లో రాష్ట్రానికి 27 వేల టన్నుల యూరియా: తుమ్మల
Ester Valerie Noronha : రెండో పెళ్లి చేసుకుంటున్న నోయల్ మాజీ భార్య ఎస్తేర్.. ఇతడితో ఎన్ని రోజులుంటుందో..?
