Party wear blouse designs| పెళ్లిళ్లు, పండుగలు, ప్రత్యేక వేడుకలు వచ్చాయంటే మహిళలకు ట్రెండీ చీరలపై ప్రత్యేక ఆసక్తి ఉంటుంది. అయితే అందమైన చీర కట్టుకుంటే సరిపోదు.. దానికి సరిపోయే బ్లౌజ్ డిజైన్ కూడా ఆకర్షణీయంగా ఉండాలి. ఒక్కోసారి సింపుల్ చీరకు ట్రెండీ బ్లౌజ్ జత చేస్తే లుక్ పూర్తిగా మారిపోతుంది. అందుకే ఈ పెళ్లిళ్ల సీజన్లో పాత డిజైన్లకు బదులుగా కొత్త స్టైల్స్ ప్రయత్నించండి. బ్యాక్లెస్ నుంచి హై నెక్ వరకు ప్రస్తుతం ఆకట్టుకుంటున్న 5 బ్లౌజ్ డిజైన్ల గురించి తెలుసుకుందాం.
పెళ్లిళ్లు, పార్టీలలో ప్రత్యేకంగా కనిపించాలనుకునే వారికి బ్యాక్లెస్ బ్లౌజ్ మంచి ఎంపిక. ఈ డిజైన్లో వెనుక భాగంలో డీప్ కట్ లేదా స్టైలిష్ డోరీలు ఉంటాయి. చిన్న చిన్న టాసెల్స్ జోడిస్తే బ్లౌజ్ మరింత అందంగా కనిపిస్తుంది. సిల్క్, శాటిన్, షిఫాన్ చీరలకు ఈ డిజైన్ చక్కగా సరిపోతుంది. ముఖ్యంగా ఫంక్షన్లలో ఈ బ్లౌజ్ మీకు గ్లామరస్ లుక్ ఇస్తుంది.
పఫ్ స్లీవ్స్ బ్లౌజ్ డిజైన్లు మరోసారి ఫ్యాషన్ ప్రపంచంలో ప్రత్యేక గుర్తింపు పొందుతున్నాయి. భుజాల దగ్గర ఉబ్బెత్తుగా ఉండే ఈ స్లీవ్స్ బ్లౌజ్కు ప్రత్యేక ఆకర్షణ తీసుకొస్తాయి. మీ అభిరుచికి తగ్గట్టుగా షార్ట్ స్లీవ్స్ లేదా లాంగ్ స్లీవ్స్ ఎంచుకోవచ్చు. సింపుల్ చీరకు ఎంబ్రాయిడరీ పఫ్ స్లీవ్స్ బ్లౌజ్ జత చేస్తే అందంగా కనిపిస్తుంది. పెళ్లిళ్లు, పండుగలకు ఈ డిజైన్ చక్కగా సరిపోతుంది.
సింపుల్గా, క్లాసీగా కనిపించాలనుకునే మహిళలకు హై నెక్ బ్లౌజ్ మంచి ఎంపిక. ఇందులో మెడ భాగం కొంతవరకు కవర్ అయ్యేలా డిజైన్ చేస్తారు. లేస్, ముత్యాలు, చిన్న చిన్న ఎంబ్రాయిడరీ వర్క్తో బ్లౌజ్ మరింత అందంగా తీర్చిదిద్దవచ్చు. ముఖ్యంగా బనారసీ, సిల్క్ చీరలకు ఈ డిజైన్ అద్భుతంగా ఉంటుంది. రిసెప్షన్లు, పెళ్లి వేడుకల్లో ఈ బ్లౌజ్ ప్రత్యేక ఆకర్షణగా నిలుస్తుంది.
కొత్తగా కనిపించాలనుకునే వారికి షీర్ స్లీవ్స్ బ్లౌజ్ మంచి ఎంపిక. ఈ డిజైన్లో నెట్, ఆర్గంజా వంటి పలుచని పారదర్శక వస్త్రాలను ఉపయోగిస్తారు. స్లీవ్స్పై ఫ్లోరల్ ఎంబ్రాయిడరీ, లేస్ లేదా చిన్న బూటీలు జోడించండి. ఇవి బ్లౌజ్కు సున్నితమైన అందాన్ని తీసుకొస్తాయి. సింపుల్ చీరలతో పాటు డిజైనర్ చీరలకు కూడా ఈ బ్లౌజ్ చక్కగా సరిపోతుంది.
Also Read: భర్త కౌగిలించుకోగానే విరిగిన భార్య పక్కటెముకలు.. అతని తప్పులేదన్న డాక్టర్లు
సింపుల్గా ఉన్నప్పటికీ ఆకర్షణీయంగా కనిపించే డిజైన్ స్క్వేర్ నెక్ బ్లౌజ్. ఇందులో మెడ భాగాన్ని చతురస్రాకారంలో డిజైన్ చేస్తారు. మీకు నచ్చినట్లుగా స్లీవ్లెస్, షార్ట్ స్లీవ్స్ లేదా పఫ్ స్లీవ్స్ ఎంచుకోవచ్చు. చిన్న ఎంబ్రాయిడరీ వర్క్ జోడిస్తే మరింత అందంగా కనిపిస్తుంది. ఆర్గంజా, కాటన్ సిల్క్, బనారసీ చీరలకు ఈ డిజైన్ బాగా సరిపోతుంది.
Also Read: భర్త ఆఫీస్ నుంచి రాగానే భార్య ఈ 5 పనులు చేయాలి.. దాంపత్య జీవితం సుఖంగా సాగడానికి టిప్స్
చీర అందాన్ని పెంచడంలో బ్లౌజ్ డిజైన్ కీలక పాత్ర పోషిస్తుంది. కాబట్టి చీర రంగు, ఫ్యాబ్రిక్, డిజైన్కు సరిపోయే బ్లౌజ్ను ఎంచుకోవాలి. మీకు నచ్చిన స్టైల్తో పాటు సౌకర్యానికి కూడా ప్రాధాన్యం ఇవ్వండి. ఈ 5 ట్రెండీ డిజైన్లలో మీకు నచ్చినదాన్ని ఎంచుకుని పెళ్లిళ్ల సీజన్లో అందరి దృష్టిని ఆకర్షించండి.