Jr.NTR -Prashanth Neel: గాడ్ ఆఫ్ మాసేస్ యంగ్ టైగర్ ఎన్టీఆర్(NTR) ప్రస్తుతం స్టార్ హీరోగా కొనసాగుతున్న సంగతి తెలిసిందే. రాజమౌళి డైరెక్షన్ లో వచ్చిన RRR సినిమా తర్వాత ఈయన తన తదుపరి సినిమాలన్నీ కూడా పాన్ ఇండియా స్థాయిలోనే విడుదలవుతున్నాయి. ఇటీవల దేవర, వార్ 2 సినిమా ద్వారా ప్రేక్షకుల ముందుకు వచ్చిన ఎన్టీఆర్ ప్రస్తుతం ప్రశాంత్ నీల్ దర్శకత్వంలో బిజీగా ఉన్న సంగతి తెలిసిందే. ప్రస్తుతం ఈ సినిమా డ్రాగన్ అనే వర్కింగ్ టైటిల్ తో షూటింగ్ పనులను జరుపుకుంటుంది. త్వరలోనే ఈ సినిమా టైటిల్ కి సంబంధించి అప్డేట్ రాబోతుందని తెలుస్తోంది. ప్రస్తుతం ఈ సినిమా షూటింగ్ పనులను శర వేగంగా జరుపుకుంటున్నారు.
ఈ సినిమాకు సంబంధించి ఒక వార్త సోషల్ మీడియాలో వైరల్ అవుతుంది. ఈ సినిమాలో ఎన్టీఆర్ మాత్రమే కాకుండా మరొక యంగ్ హీరో కూడా నటించబోతున్నట్లు సమాచారం. ఇప్పటికే ఆ హీరో ఎంపిక ప్రక్రియ కూడా పూర్తి అయ్యిందని త్వరలోనే షూటింగ్లో కూడా పాల్గొనబోతున్నారంటూ వార్తలు బయటకు వస్తున్నాయి. ఎన్టీఆర్ ప్రశాంత్. నీల్(Prashanth Neel) సినిమాలో నటించబోతున్న మరొక స్టార్ హీరో ఎవరు అనే విషయాన్ని కోసం ఆయన మరో కాదు అక్కినేని అఖిల్(Akkineni Akhil) అని సమాచారం.. గత కొద్ది రోజుల క్రితం ప్రశాంత్ నీల్ అఖిల్ తో కలిసి ఎన్టీఆర్ ఇంటికి వెళ్లిన సంగతి మనకు తెలిసిందే. అయితే ఈ సినిమా కోసమే వీరి మధ్య చర్చలు జరిగాయని, వెంటనే ఎన్టీఆర్ సినిమాలో నటించడానికి ఒప్పుకున్నారని తెలుస్తుంది.
అఖిల్ త్వరలోనే ఈ సినిమా షూటింగ్ పనులలో పాల్గొనబోతున్నట్లు సమాచారం. ఇలా డ్రాగన్ సినిమా గురించి సోషల్ మీడియాలో ఈ వార్తలు చక్కర్లు కొట్టడంతో అక్కినేని అభిమానులు ఎంతో సంతోషం వ్యక్తం చేస్తున్నారు. మరి ఈ వార్తలలో ఎంతవరకు నిజం ఉందనేది తెలియాలి అంటే చిత్రబృందం అధికారకంగా స్పందించాల్సి ఉంది. ఇలా ఎన్టీఆర్ సినిమాలో అఖిల్ నటించడం అఖిల్ కెరియర్ ఎంతో కీలకంగా మారుతుందని చెప్పాలి. అఖిల్ అక్కినేని ఇండస్ట్రీలోకి వచ్చి దాదాపు దశాబ్ద కాలం పూర్తి అయింది. అయినప్పటికీ ఈయన మొత్తం సరైన సక్సెస్ అందుకోలేకపోతున్నారు. ఇండస్ట్రీలో సక్సెస్ కోసం అఖిల్ కూడా ఎంతో ఆరాట పడుతున్నారు.
ఎన్టీఆర్ సినిమాకు రామ్ చరణ్ టైటిల్..
ఇక ఈయన త్వరలోనే లెనిన్ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా మే ఒకటో తేదీ విడుదల కావాల్సి ఉండగా పెద్ది సినిమా కారణంగా వాయిదా పడిందని తెలుస్తోంది. తదుపరి విడుదల తేదీనీ చిత్ర బృందం త్వరలోనే ప్రకటించనున్నారు. అఖిల్ లెనిన్ పనులలో బిజీగా ఉంటూనే మరోవైపు ఎన్టీఆర్ సినిమాల్లో కూడా నటిస్తున్నారని తెలుస్తుంది. ఈ సినిమాకు బ్రూస్ లీ అనే టైటిల్ పెట్టాలనే ఆలోచనలో చిత్ర బృందం ఉన్నట్లు వార్తలు చక్కర్లు కొట్టాయి. మరి ఈ వార్తల పై స్పష్టత రావాలంటే మరి కొద్ది రోజులు ఎదురు చూడాల్సిందే.
Share
Crime News: నిజామాబాద్ జిల్లాలో దారుణం.. ఇన్స్టాగ్రామ్ వీడియోలు చేస్తున్నాడని దారుణంగా దాడి..
Affordable Turbo-Petrol Cars: టాటా To కియా.. రూ. 10 లక్షల్లోపు బెస్ట్ టర్బో-పెట్రోల్ ఇంజిన్ కార్లు ఇవే!
