Dhurandhar Collections: 2025లో భారతదేశంలో అత్యధిక వసూళ్లు సాధించిన చిత్రంగా Dhurandhar నిలిచింది. న్యూ ఇయర్ ఈవ్ దగ్గరపడుతున్న వేళ కూడా ఈ సినిమా బాక్సాఫీస్ వద్ద జోరుగా దూసుకెళ్తోంది. Ranveer Singh హీరోగా నటించిన ఈ యాక్షన్ స్పై థ్రిల్లర్ ప్రపంచవ్యాప్తంగా సుమారు రూ.1100 కోట్ల గ్రాస్ వసూళ్లు సాధించి బాలీవుడ్ చరిత్రలో సంచలనం సృష్టించింది. విడుదలై 25 రోజులు పూర్తయినా కూడా రోజుకు డబుల్ డిజిట్ కలెక్షన్లు రావడం విశేషం.
ఈ ఘన విజయం మధ్యలో ఒక పెద్ద లోటు మాత్రం చిత్ర బృందాన్ని బాధించింది. గల్ఫ్ దేశాల్లో సినిమా విడుదల కాకపోవడంతో దాదాపు రూ.90 కోట్ల నష్టం వాటిల్లిందని సమాచారం. దర్శకుడు Aditya Dhar తెరకెక్కించిన ఈ సినిమా భారత్ వెలుపల చాలా దేశాల్లో మంచి వసూళ్లు సాధించినా, మిడిల్ ఈస్ట్ మార్కెట్లో విడుదల లేకపోవడం వల్ల భారీ ఆదాయం కోల్పోయింది.
సాధారణంగా గల్ఫ్ దేశాల్లో భారతీయులు పెద్ద సంఖ్యలో ఉంటారు. అందుకే బాలీవుడ్ సినిమాలకు అక్కడ మంచి మార్కెట్ ఉంటుంది. అయితే ధురంధర్ కథలో పాకిస్తాన్కు సంబంధించిన అంశాలు, ఆపరేషన్ లయారీ నుంచి ప్రేరణ పొందిన కథనం ఉండటంతో సెన్సార్ అభ్యంతరాలు వచ్చాయని సమాచారం. దాంతో బహ్రెయిన్, కువైట్, ఒమన్, ఖతార్, సౌదీ అరేబియా..యూఏఈ వంటి ఆరు గల్ఫ్ దేశాల్లో ఈ సినిమాను నిషేధించారు.
ఓవర్సీస్ డిస్ట్రిబ్యూటర్లు చెబుతున్నదేమిటంటే, గల్ఫ్లో విడుదలై ఉంటే ఈ సినిమా అక్కడే రూ.100 కోట్ల దాకా వసూళ్లు సాధించే అవకాశముండేదని. గతంలో కూడా దేశభక్తి నేపథ్యంతో వచ్చిన పలు సినిమాలు గల్ఫ్లో నిషేధానికి గురయ్యాయి. అయినప్పటికీ ధురంధర్కు ప్రపంచవ్యాప్తంగా వచ్చిన స్పందన అద్భుతంగా నిలిచింది.
ముఖ్యంగా నార్త్ అమెరికాలో ఈ సినిమా రికార్డు స్థాయిలో వసూళ్లు సాధించింది. అక్కడి వరకు చూసుకుంటే, హిందీ సినిమాల్లో ఇప్పటివరకు అత్యధిక వసూళ్లు సాధించిన చిత్రంగా నిలిచి, గత రికార్డులను అధిగమించింది. దేశభక్తి భావనలు..హై వోల్టేజ్ యాక్షన్ సన్నివేశాలు ప్రేక్షకులను ఆకట్టుకున్నాయి.
మొత్తానికి గల్ఫ్ నిషేధం వల్ల నష్టం వచ్చినా, 2025లో భారతదేశం నుంచి వచ్చిన అతిపెద్ద బ్లాక్బస్టర్గా ధురంధర్ తన స్థానం నిలబెట్టుకుంది.
ALSO READ: Dhurandhar Collections : ధురంధర్ దూకుడు… 1000 కోట్లు దాటినా తగ్గలేదు!
Share
Srikakulam: సైబర్ నేరగాళ్ల ఉచ్చులో రిటైర్డ్ ఆర్మీ ఉద్యోగి.. అక్షరాల రూ.1,31,85000 స్వాహా
Tabu Daughter: కూతురిని పరిచయం చేసిన టబు.. పెళ్లి కాకుండానే ఇంత పని చేసిందా..!
