జ్యోతి పూర్వజ్, పూర్వాజ్ మూవీ ‘కిల్లర్’.. ఒకేసారి రెండు అప్డేట్స్!

Killer Movie:సైన్స్ ఫిక్షన్, థ్రిల్లర్ సినిమాలను ఇష్టపడే ఆడియన్స్ కోసం మరో ఇంట్రెస్టింగ్ మూవీ వచ్చేందుకు రెడీ అయిపొయింది.అదే జ్యోతి పూర్వజ్, పూర్వాజ్ ప్రధాన పాత్రల్లో నటిస్తున్న ‘కిల్లర్’. ఇక ఈ సినిమా రిలీజ్ కి ముందే మేకర్స్ క్రేజీ అప్‌డేట్ ఇచ్చారు మేకర్స్. అక్టోబర్ 21న ఈ మూవీ ట్రైలర్‌ను రిలీజ్ చేయబోతున్నట్లు అనౌన్స్ చేశారు. ఇక అక్టోబర్ 30న సినిమాని వరల్డ్ వైడ్ గా థియేటర్లలో విడుదల చేయడానికి ప్లాన్ చేస్తున్నారని తెలుస్తుంది.

ఒకరకంగా‘కిల్లర్’ ట్రైలర్ ఎప్పుడు వస్తుందా అని ఎదురుచూస్తున్న ప్రేక్షకులకు ఈ అనౌన్స్ మెంట్ గుడ్ న్యూస్ అనే చెప్పాలి. సై-ఫై థ్రిల్లర్‌గా తెరకెక్కుతున్న ఈ సినిమాలో అసలు కథ ఏంటి? హీరో పాత్రలు ఎలా ఉండబోతున్నాయి? ఎలాంటి ట్విస్టులు ఉండబోతున్నాయి? అనే విషయాలపై ఇప్పటికే ఆడియన్స్ లో మంచి క్యూరియాసిటీ కనిపిస్తుంది.

ఈ సినిమాలో జ్యోతి పూర్వజ్, పూర్వాజ్ లీడ్ రోల్స్‌లో నటిస్తుండగా మనీష్ గిలాడా, చంద్రకాంత్ కొల్లు, విశాల్ రాజ్, అర్చన అనంత్, గౌతమ్ చక్రధర్ కొప్పిశెట్టి తదితరులు కీలక పాత్రల్లో కనిపించనున్నారు.ఇక ఈ ‘కిల్లర్’ సినిమాకు పూర్వాజ్ దర్శకత్వం వహిస్తుండగా థింక్ సినిమా, ఏయూ అండ్ ఐ స్టూడియోస్ బ్యానర్లపై పూర్వాజ్, పద్మనాభరెడ్డి.ఎ. ఈ చిత్రాన్ని నిర్మిస్తున్నారు. దర్శకత్వంతో పాటు కథ, ఎడిటింగ్ బాధ్యతలను కూడా పూర్వాజ్ నిర్వహిస్తుండటం ఇక్కడ చెప్పుకోతగ్గ విషయం.

ఇక ‘కిల్లర్’ను కేవలం ఇండియాలోనే కాకుండా విదేశాల్లోనూ భారీగా విడుదల చేయడానికి ఏర్పాట్లు చేస్తున్నారని తెలుస్తుంది. ఓఎంజి పిక్చర్స్ ఈ సినిమా ఓవర్సీస్ డిస్ట్రిబ్యూషన్ తీసుకుని అమెరికా, యూరప్, కెనడా, అరబ్, మలేషియా, న్యూజిలాండ్, రష్యా వంటి దేశాలలో కూడా సినిమాను విడుదల చేయనున్నారు.అంటే విదేశాల్లో ఉన్న తెలుగు ప్రేక్షకులు కూడా ఈ సినిమాను థియేటర్లలో చూసే అవకాశం ఉంటుందన్న మాట.

ఈ మధ్య కాలంలో ‘కల్కి 2898 ఏడీ’ వంటి సైన్స్ ఫిక్షన్ సినిమాలు ‘గేమ్ ఓవర్’ వంటి థ్రిల్లర్ సినిమాలు కూడా ఆడియన్స్ ని బాగా ఆకట్టుకున్న సంగతి తెల్సిందే. ఇప్పుడు ‘కిల్లర్’ కూడా సై-ఫై, థ్రిల్లర్ కాన్సెప్ట్ తో వస్తుండటంతో ఈ సినిమా ఎలా ఉండబోతుందనే క్యూరియాసిటీ ఆడియన్స్ లో కనిపిస్తుంది.

మొత్తానికి అక్టోబర్ 21న ట్రైలర్, అక్టోబర్ 30న సినిమా విడుదల కానుండటంతో ‘కిల్లర్’ టీమ్ ప్రమోషన్స్‌లో వేగం పెంచిందనే చెప్పాలి. మరి సినిమా విడుదలయ్యాక ఎలాంటి టాక్ తెచ్చుకుంటుంది?. సై-ఫై థ్రిల్లర్ సినిమాలను ఇష్టపడేవారికి ‘కిల్లర్’ ఎలాంటి అనుభూతిని అందిస్తుందో తెలియాలంటే మరికొన్ని రోజులు ఎదురుచూడాల్సిందే !

ALSO READ :‘స్పిరిట్’ వాయిదా.. ఫ్యాన్స్‌కు కొత్త రిలీజ్ డేట్ ప్రకటించిన సందీప్ రెడ్డి వంగా!