Priyanka Chopra: తెలుగు చిత్ర పరిశ్రమలో అగ్ర కథానాయకుడు సూపర్ స్టార్ మహేష్ బాబు మరియు గ్లోబల్ స్టార్ ప్రియాంక చోప్రా త్వరలో ఎస్.ఎస్. రాజమౌళి దర్శకత్వంలో రాబోతున్న భారీ బడ్జెట్ చిత్రం ‘వారణాసి’ (SSMB29) లో జంటగా నటించబోతున్నారు. ఈ సినిమా షూటింగ్ ప్రారంభానికి ముందే, ఈ ఇద్దరు స్టార్స్ మధ్య ఉన్న పరస్పర గౌరవం మరియు స్నేహం సోషల్ మీడియా వేదికగా కనిపిస్తోంది. తాజాగా ప్రియాంక చోప్రా నటించిన అంతర్జాతీయ చిత్రం ‘ది బ్లఫ్’ (The Bluff) ను వీక్షించిన మహేష్ బాబు, ఆమె నటనపై ప్రశంసల వర్షం కురిపించారు.
Read also-Middle East: దుబాయ్ యుద్ధంలో ఇరుకున్న స్టార్ సెలబ్రిటీలు.. ఎలా ఉన్నారంటే?
మహేష్ బాబు తన సోషల్ మీడియా ఖాతా ద్వారా ‘ది బ్లఫ్’ చిత్రాన్ని రివ్యూ చేస్తూ ఇలా రాశారు “‘ది బ్లఫ్’ సినిమా అద్భుతమైన యాక్షన్ భావోద్వేగాలతో కూడిన ఒక గొప్ప చిత్రం. ప్రియాంక చోప్రా తన నటనతో సినిమాను మరో స్థాయికి తీసుకెళ్లారు. ఆమె పెర్ఫార్మెన్స్ నిజంగా ‘స్వాష్బక్లింగ్’ గా ఉంది. ప్రతి విభాగంలోనూ ఆమె అదరగొట్టారు. ఈ చిత్ర బృందానికి నా అభినందనలు.” మహేష్ చేసిన ఈ ట్వీట్ ప్రస్తుతం నెట్టింట వైరల్ అవుతోంది. కేవలం మహేష్ బాబు మాత్రమే కాకుండా, దర్శకధీరుడు రాజమౌళి కూడా ప్రియాంక నటనను కొనియాడారు. ప్రియాంక ఎప్పుడూ తన నటనతో ఆశ్చర్యపరుస్తుందని, ఆమె స్క్రీన్ ప్రెజెన్స్ చాలా శక్తివంతంగా ఉందని ఆయన పేర్కొన్నారు. దీనికి ప్రియాంక కూడా స్పందిస్తూ రాజమౌళికి కృతజ్ఞతలు తెలిపారు.
రాజమౌళి – మహేష్ బాబు కాంబినేషన్లో వస్తున్న ఈ సినిమాపై ప్రపంచవ్యాప్తంగా భారీ అంచనాలు ఉన్నాయి. ఈ చిత్రానికి ‘వారణాసి’ అనే టైటిల్ను ఖరారు చేసిన విషయం తెలిసిందే. ఇందులో మహేష్ బాబు ‘రుద్ర’ అనే శక్తివంతమైన పాత్రలో కనిపించనుండగా, ప్రియాంక చోప్రా ‘మందాకిని’ అనే పాత్రను పోషిస్తున్నారు. అలాగే మలయాళ స్టార్ హీరో పృథ్వీరాజ్ సుకుమారన్ ‘కుంభ’ అనే కీలక పాత్రలో నటిస్తున్నారు. ఈ సినిమా క్లైమాక్స్ చిత్రీకరణ కోసం రాజమౌళి ఏకంగా 60 రోజుల సమయం కేటాయించారని, అందులో మహేష్ బాబు సరికొత్త అవతారంలో కనిపిస్తారని సమాచారం. చాలా కాలం తర్వాత ప్రియాంక చోప్రా నేరుగా ఒక భారతీయ భారీ ప్రాజెక్టులో భాగం కావడం, అది కూడా రాజమౌళి దర్శకత్వంలో మహేష్ బాబుతో కలిసి నటిస్తుండటం సినీ ప్రియుల్లో ఉత్సాహాన్ని నింపుతోంది. ప్రస్తుతం ప్రీ-ప్రొడక్షన్ పనుల్లో ఉన్న ఈ సినిమా 2027 ఏప్రిల్లో ప్రేక్షకుల ముందుకు వచ్చే అవకాశం ఉంది. అంతకంటే ముందే ఒకరి సినిమాలను ఒకరు ప్రోత్సహించుకుంటూ మహేష్, ప్రియాంక ఫ్యాన్స్ను ఖుషీ చేస్తున్నారు.
#TheBluff is a a well mounted film with engaging action n emotions !!! 👏🏻👏🏻👏🏻 @priyankachopra is in top form 💥💥💥 swashbuckling and ticking all the boxes with a packed performance… Sending all my love to the team for the amazing work ♥️♥️♥️
— Mahesh Babu (@urstrulyMahesh) March 1, 2026
Share
Allu Sirish: అల్లు శిరీష్ పెళ్లి కొడుకు ఫంక్షన్.. స్పెషల్ అట్రాక్షన్ గా విజయ్ - రష్మిక జంట.. వీడియో వైరల్!
Karthika Deepam Monitha : 'కార్తీక దీపం' మోనిత ఇండస్ట్రీలోకి రాకముందు ఏం జాబ్ చేసిందో తెలుసా..?
