Shruti Haasan : సౌత్ సినిమా ఇండస్ట్రీలో ఉన్న మల్టీ టాలెంటెడ్ హీరోయిన్ అంటే ఖచ్చితంగా వినిపించే పేరు శృతిహాసన్. చైల్డ్ ఆర్టిస్ట్ గా ఎంట్రీ ఇచ్చిన శృతిహాసన్, తెలుగులో అనగనగా ఒక ధీరుడు సినిమాతో పరిచయమైంది. కోవెలమూడి ప్రకాష్ దర్శకత్వం వహించిన ఈ సినిమా మీద అప్పట్లో విపరీతమైన అంచనాలు ఉండేవి.
ఈ సినిమాను చాలామంది సెలబ్రిటీస్ ముందుకు వచ్చే ప్రమోట్ చేశారు. జగదేకవీరుడు అతిలోకసుందరి, మగధీర సినిమాలో కలిపితే ఎలా ఉంటుందో ఈ సినిమా అలా ఉండబోతుంది అన్నట్లు మాట్లాడారు. దానికి తోడు రాఘవేంద్రరావు కొడుకు దర్శకుడుగా పరిచయం అవుతున్నాడు అంటే అంచనాలు వేరే స్థాయికి వెళ్లిపోయారు. కానీ బాక్స్ ఆఫీస్ వద్ద ఈ సినిమా ఊహించిన సక్సెస్ సాధించలేకపోయింది. మొత్తానికి పవన్ కళ్యాణ్ నటించిన గబ్బర్ సింగ్ సినిమాతో మంచి సక్సెస్ అందుకొని ఇండస్ట్రీలో కొనసాగుతుంది శృతిహాసన్.
కొందరు సెట్స్ లో మైక్ విసిరేస్తారు
ఒక సినిమాను డైరెక్ట్ చేయడం అనేది మామూలు విషయం కాదు. ఆ డైరెక్టర్ కి చాలా ఓపిక ఉండాలి. తాను రాసుకున్న కథను వెండితెరపై ఆవిష్కరించే ప్రాసెస్ లో ఎన్నో అవాంతరాలు ఎదురవుతుంటాయి. ఆ తరుణంలో కొంతమంది దర్శకులు కోపాన్ని కూడా ప్రదర్శిస్తారు. కొంతమంది చేతిలో ఉన్న మైక్స్ కూడా విసిరేస్తుంటారు. ఈ తరుణంలో దర్శకుడు లోకేష్ ఎలా ఉంటాడో తెలిపింది శృతిహాసన్. లోకేష్ కనకరాజ్ సెట్ లో చాలా సైలెంట్ గా, క్లామ్ గా తన పని తాను పర్ఫెక్ట్ గా చేసుకొని పోతారట. లోకేష్ తీసే సినిమాలు అలా ఉంటాయి కానీ లోకేష్ చాలా కూల్ గా వర్క్ చేస్తుంటారు అంటూ చెప్పింది శృతిహాసన్. లోకేష్ ప్లానింగ్ గురించి కూడా నాగార్జున మాట్లాడుతూ బడ్జెట్ మిగిల్చి మరి షూటింగ్ ఫినిష్ చేశాడు అంటూ చెప్పారు.
వరుస సక్సెస్ఫుల్ సినిమాలు
మా నగరం సినిమాతో ఫిలిం ఇండస్ట్రీకి దర్శకుడుగా ఎంట్రీ ఇచ్చాడు లోకేష్. సందీప్ కిషన్ నటించిన ఈ సినిమా బాక్స్ ఆఫీస్ వద్ద అద్భుతమైన సక్సెస్ సాధించింది. ఈ సినిమా తర్వాత వచ్చిన ఖైదీ సినిమా నెక్స్ట్ లెవెల్ లో వర్కౌట్ అయింది. ఇక్కడితో వేగంగా స్టార్ డైరెక్టర్ అయిపోయాడు లోకేష్. ఇక సీనియర్ హీరో కమల్ హాసన్ కు విక్రమ్ రూపంలో మంచి సక్సెస్ అందించాడు. ఇప్పుడు రజనీకాంత్ హీరోగా కూలీ సినిమాతో ప్రేక్షకులు ముందుకు రానున్నాడు. ఇదివరకే సినిమా నుంచి విడుదలైన కంటెంట్ కూడా మంచి రెస్పాన్స్ పొందుతుంది. ఆగస్టు 14న ఈ సినిమా విడుదల కానుంది.
Also Read: Sonu Sood: ఫిష్ వెంకట్ కుటుంబానికి సోనూ సూద్ భారీ సాయం… ఎన్ని లక్షలు ఇచ్చాడంటే?
Share
Telangana Bjp: టచ్‌లో బీఆర్ఎస్ నేతలు.. ఆపై మంతనాలు, రామచందర్‌రావు కీలక వ్యాఖ్యలు
