Siddu Jonnalagadda: జాక్ రిజల్ట్ పై ఓపెన్ అయిన సిద్దు…ఆ విషయం ముందే తెలుసా?

Siddu Jonnalagadda: టాలీవుడ్ యంగ్ హీరో సిద్దు జొన్నలగడ్డ (Siddu Jonnalagadda) త్వరలోనే తెలుసు కదా(Telusu Kada) అంటూ ప్రేక్షకుల ముందుకు రావడానికి సిద్ధమైన సంగతి తెలిసిందే. దీపావళి పండుగను పురస్కరించుకొని ఈయన నటించిన ఈ సినిమా అక్టోబర్ 17వ తేదీ విడుదల కాబోతున్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు. డైరెక్టర్ నీరజ కోన(Neeraja Kona) దర్శకత్వంలో సిద్దు జొన్నలగడ్డ, రాసి ఖన్నా, శ్రీ నిధి శెట్టి హీరో హీరోయిన్లుగా నటిస్తున్న ఈ సినిమా ట్రయాంగిల్ లవ్ స్టోరీ ఆధారంగా ప్రేక్షకుల ముందుకు రాబోతుందని తెలుస్తోంది. ఇప్పటికే సినిమా నుంచి విడుదల చేసిన అప్డేట్స్ మాత్రం సినిమా పట్ల మంచి అంచనాలను పెంచేశాయి.

రెమ్యూనరేషన్ వెనక్కి ఇచ్చిన హీరో..

ఈ సినిమా నుంచి వచ్చిన అప్డేట్స్ చూస్తుంటే మాత్రం ఈసారి సిద్దు జొన్నలగడ్డ మరో హిట్ సినిమాని తన ఖాతాలు వేసుకుంటారని చెప్పాలి. ఈయన చివరిగా టిల్లు స్క్వేర్ అనే సినిమా ద్వారా హిట్ అందుకున్నారు. ఈ సినిమా తరువాత జాక్(Jack) అనే సినిమా ద్వారా ప్రేక్షకుల ముందుకు వచ్చినప్పటికీ అనుకున్న స్థాయిలో ఈ సినిమా సక్సెస్ కాలేకపోయింది. ఈ సినిమా భారీ స్థాయిలో నష్టాలను ఎదుర్కొన్న నేపథ్యంలో సిద్దు జొన్నలగడ్డ తన రెమ్యూనరేషన్ కూడా కొంత భాగం వెనక్కి ఇచ్చిన సంగతి తెలిసిందే. ఇకపోతే తెలుసు కదా సినిమా ప్రమోషన్ కార్యక్రమాలలో భాగంగా హీరో రవితేజతో కలిసి ఒక ఇంటర్వ్యూ చేశారు.

సినిమా పోతుందని ముందే తెలుసా?

ఈ ఇంటర్వ్యూ సందర్భంగా జాక్ సినిమా గురించి ప్రస్తావనకు వచ్చింది. రవితేజ జాక్ సినిమా గురించి మాట్లాడొచ్చు కదా అంటూ ప్రశ్నించడంతో శుభ్రంగా మాట్లాడొచ్చు అంటూ సిద్దు తెలియజేశారు. ఈ సినిమా రిజల్ట్ గురించి ఇద్దరి మధ్య ప్రస్తావనకు రావడంతో సిద్దు జొన్నలగడ్డ మాట్లాడుతూ ఈ సినిమా షూటింగ్ సమయంలోనే నాకు సినిమా మీద కాస్త డౌట్ వచ్చిందని తెలిపారు. తాను అనుకున్న విధంగానే ఈ సినిమా విడుదలైన తరువాత ఏమాత్రం ప్రేక్షకులను ఆకట్టుకోలేకపోయిందని తాను ఊహించిన విధంగానే సినిమా ఫలితం కూడా వచ్చిందని సిద్దు చేసిన ఈ కామెంట్స్ వైరల్ అవుతున్నాయి.

జాక్ పాట్ కొట్టలేకపోయిన సిద్దు..

కొన్ని సినిమాలు షూటింగ్ సమయంలోనే దర్శక నిర్మాతలు హీరోలు కూడా సినిమా రిజల్ట్ గురించి అంచనాలు వేస్తూ ఉంటారు. తప్పనిసరి పరిస్థితులలో ఆ సినిమాని పూర్తి చేసి విడుదల చేస్తుంటారు. ఇక జాక్ సినిమా విషయానికి వస్తే ఈ సినిమా.. బొమ్మరిల్లు భాస్కర్ దర్శకత్వంలో బి వి ఎస్ ఎన్ ప్రసాద్ నిర్మాణంలో సిద్దు జొన్నలగడ్డ వైష్ణవి చైతన్య హీరో హీరోయిన్లుగా నటించారు. ఈ సినిమాని ఏప్రిల్ 10 2025న విడుదల చేయగా బాక్స్ ఆఫీస్ వద్ద అనుకున్న స్థాయిలో ప్రేక్షకులను ఆకట్టుకోలేక నిర్మాతకు నష్టాలను మిగిల్చిందని చెప్పాలి.. ఈ సినిమా నెట్ ఫ్లిక్స్ లో ప్రేక్షకులకు అందుబాటులోకి వచ్చింది.

Also Read: Kiran Abbavaram: పక్క స్టేట్ హీరోని కించపరిచొద్దు.. జర్నలిస్టుకు కౌంటర్ ఇచ్చిన కిరణ్ అబ్బవరం!

Share

• 
• 
• 
• 
• 
•